एसीसी प्रिमियर कपको फाइनलमा भोलि नेपाल र यूएईको महाभिडन्त

खेलकुद

गृहपृष्ठ
खेलकुद
एसीसी प्रिमियर कपको फाइनलमा भोलि नेपाल र यूएईको महाभिडन्त

एसीसी प्रिमियर कपको फाइनलमा भोलि नेपाल र यूएईको महाभिडन्त

आइतबार, वैशाख १७, २०८० बागेश्वरी पोस्ट

नेपालगन्ज । काठमाडौंमा जारी एसीसी प्रिमियर कप क्रीकेटको फाइनलका लागि भोलि महाभिडन्त हुँदैछ । अन्तर्राष्ट्रिय क्रीकेट मैदान कीर्तिपुरमा हुने फाइनलमा नेपाल र यूएई भिड्दै छन् ।

नेपालले शनिबार भएको सेमिफाइनलमा कुवेतलाई र यूएईले ओमानलाई पराजित गर्दै फाइनलमा प्रवेश गरेका हुन् । एसीसी प्रिमियर कपमा नेपाल अपराजित रहदै फाइनलको यात्रा तय गरेको हो ।

त्यस्तै नेपालको बलियो प्रतिद्वन्द्वी यूएईले समूह चरणको ४ खेल मध्ये १ खेलमा हार बेहोर्दै समूह बी को विजेता बन्दै सेमिफाइनलमा पुगेको थियो । यद्यपि सेमिफाइनलमा यूएईले डिएलस मेथडबाट ओमानलाई २ रनले पराजित गर्दै फाइनलको यात्रा तय गरेको हो ।

सबै खेल हेर्दा नेपाल धेरै बलियो टोली हो भने यूएई पनि नेपालले कम आकलन गर्न नहुने टोली हो । भोलि बिहान ९ बजेदेखि नेपाल र यूएईबीच कीर्तिपुर मैदानमा फाइनल हुनेछ ।

यो फाइनल खेल जित्ने टोली भारत र पाकिस्तान सम्मिलित समूहमा एसिया कपमा छनोट हुनेछ । नेपालले भोलि यूएईलाई पराजित गर्न सके भारत र पाकिस्तानसँग एसिया कप खेल्ने अवसर मिल्नेछ ।

प्रकाशित मिति: आइतबार, वैशाख १७, २०८० २१:१८

प्रतिक्रिया दिनुहोस्