एसीसी प्रिमियर कप फाइनल:आज नेपाल र यूएई भिड्दै, नेपालले जिते भारत र पाकिस्तानसँग खेल्ने

खेलकुद

गृहपृष्ठ
खेलकुद
एसीसी प्रिमियर कप फाइनल:आज नेपाल र यूएई भिड्दै, नेपालले जिते भारत र पाकिस्तानसँग खेल्ने

एसीसी प्रिमियर कप फाइनल:आज नेपाल र यूएई भिड्दै, नेपालले जिते भारत र पाकिस्तानसँग खेल्ने

सोमबार, वैशाख १८, २०८० बागेश्वरी पोस्ट

नेपालगन्ज । काठमाडौंमा जारी एसीसी प्रिमियर कप क्रीकेटको फाइनलका लागि आज महाभिडन्त हुँदैछ । आजको फाइनलमा नेपाल र यूएई भिड्दैछन् ।

आज बिहान ९ बजेदेखि नेपाल र यूएई उपाधिका लागि कीर्तिपुर क्रीकेट मैदान फाइनल खेल सुरु हुनेछ ।

फाइनलमा प्रवेश गरेको नेपालले शनिबार भएको सेमिफाइनलमा कुवेतलाई र यूएईले ओमानलाई पराजित गर्दै फाइनलमा प्रवेश गरेका हुन् । एसीसी प्रिमियर कपमा नेपाल अपराजित रहदै फाइनलको यात्रा तय गरेको हो।

त्यस्तै नेपालको बलियो प्रतिद्वन्द्वी यूएईले समूह चरणको ४ खेल मध्ये १ खेलमा हार बेहोर्दै समूह बी को विजेता बन्दै सेमिफाइनलमा पुगेको थियो।

यद्यपि सेमिफाइनलमा यूएईले डिएलस मेथडबाट ओमानलाई २ रनले पराजित गर्दै फाइनलको यात्रा तय गरेको हो ।

सबै खेल हेर्दा नेपाल धेरै बलियो टोली हो भने यूएई पनि नेपालले कम आकलन गर्न नहुने टोली हो ।

आजको फाइनल खेल जित्ने टोली भारत र पाकिस्तान सम्मिलित समूहमा एसिया कपमा छनोट हुनेछ । नेपालले आज यूएईलाई पराजित गर्न सके भारत र पाकिस्तानसँग एसिया कप खेल्ने अवसर मिल्नेछ ।

प्रकाशित मिति: सोमबार, वैशाख १८, २०८० ०१:०२

प्रतिक्रिया दिनुहोस्