नेपाल र यूएईको खेल आज हुन नसके भोलि ९ विकेटबाटै खेल सुरु हुने

खेलकुद

गृहपृष्ठ
खेलकुद
नेपाल र यूएईको खेल आज हुन नसके भोलि ९ विकेटबाटै खेल सुरु हुने

नेपाल र यूएईको खेल आज हुन नसके भोलि ९ विकेटबाटै खेल सुरु हुने

आज ३ बजेसम्म खेल्ने सम्भावना भए २० ओभरको खेल हुने

सोमबार, वैशाख १८, २०८० बागेश्वरी पोस्ट

नेपालगन्ज । काठमाडौंमा जारी एसीसी प्रिमियर कप क्रीकेटको कीर्तिपुर क्रीकेट मैदानमा नेपाल र यूएईबीचको फाइनल खेल आज बिहान ११: ४८ बजेदेखिको वर्षाले रोकिएको छ ।

नेपालले टस जितेर फिल्डिङ रोजेपछि पहिलो ब्याटिङ गरेको यूएईले २७.३ओभरमा १०६ रन बनाउँदै ९ औं विकेट गुमाइसकेको छ ।

अहिलेसम्म यूएईका महोमद वासिम, वृत्य अरविन्द, आर्यन लाक्रा, रमिज सहजाद, रोहन मुस्तफा, बसिल हमिद र अफ्जल आयन खान, आशिफ खान र जहुर खान आउट भइसकेका छन् । अहिले जुनेद सिद्दिकी र पलानीयप्पन मियाप्पन क्रीजमा छन् । वर्षाका कारण खेल रोकिन पुगेको हो ।

वर्षा रोकिएको अवस्थामा आज खेल हुने सम्भावना भएमा ओभर घटाइनेछ । आज दिउँसो ३ बजेसम्म पानी रोकिएर २० ओभरसम्मको खेल हुन सक्ने स्थितिमा आजै खेल हुनेछ । यद्यपि मैदानको आउट फिल्डमा पानी जम्दा मैदान हिलो भएको छ । त्यसैले आज खेल हुने सम्भावना न्यून छ । आज खेल हुन नसकेको अवस्थामा खेल भोलि रिजर्भ डेसम्मका लागि स्थगित हुनेछ ।

भोलिका लागि खेल स्थगित भए आजकै स्थितिबाट खेल सुरू हुनेछ । भोलिको खेल पनि वर्षाले अवरूद्ध भएमा ओभर घटाइनेछ। ओभर घटाएर पनि खेल सम्भव नभए सुपर ओभर हुनेछ ।

सुपर ओभर पनि सम्भव नभएमा वरीयताको आधारमा च्याम्पियनको टुंगो लाग्नेछ। यस्तो अवस्थामा अपराजित रहेको नेपाल प्रतियोगिताको च्याम्पियन हुनेछ भने एसिया कपमा छनोट हुनेछ ।

एसीसी प्रिमियर कपको फाइनल जित्ने टोली एसिया कपमा भारत र पाकिस्तान सम्मिलित समूहमा प्रतिस्पर्धा गर्नेछ ।

प्रकाशित मिति: सोमबार, वैशाख १८, २०८० १४:२६

प्रतिक्रिया दिनुहोस्