हिजो रोकिएको नेपाल र यूएईको बाँकी खेल आज हुँदै

खेलकुद

गृहपृष्ठ
खेलकुद
हिजो रोकिएको नेपाल र यूएईको बाँकी खेल आज हुँदै

हिजो रोकिएको नेपाल र यूएईको बाँकी खेल आज हुँदै

मंगलबार, वैशाख १९, २०८० बागेश्वरी पोस्ट

नेपालगन्ज । काठमाडौंमा जारी एसीसी प्रिमियर कप क्रीकेटको कीर्तिपुर मैदानमा नेपाल र यूएईबीचको वर्षाले स्थगित भएको फाइनल खेल पुनः आज बिहान ९ बजे सुरु हुँदैछ ।

जिजो यूएईको ब्याटिङका दौरानमा वर्षा भएपछि फाइनल खेल आज सुरु गर्न लगिएको हो ।

टस हारेर पहिलो ब्याटिङ गरेको यूएईले हिजो वर्षा नहुदासम्म २७.३ओभरमा १०६ रन बनाउँदै ९ औं विकेट गुमाइसकेको छ । यूएईका महोमद वासिम, वृत्य अरविन्द, आर्यन लाक्रा, रमिज सहजाद, रोहन मुस्तफा, बसिल हमिद र अफ्जल आयन खान, आशिफ खान र जहुर खान आउट भइसकेका छन् । जुनेद सिद्दिकी र पलानीयप्पन मियाप्पन ब्याटिङ अवस्थामै कायम छन् ।

वर्षाले खेल स्थगित भएपछि हिजोको फाइनल खेललाई आजको रिजर्भ डे का लागि सारिएको हो ।

आज ९ बजे बिहानबाट हिजोकै स्थितिबाट खेल सुरू हुनेछ । आजको खेल पनि वर्षाले अवरूद्ध भएमा ओभर घटाइनेछ। ओभर घटाएर पनि खेल सम्भव नभए सुपर ओभर हुनेछ ।

सुपर ओभर पनि सम्भव नभएमा वरीयताको आधारमा च्याम्पियनको टुंगो लाग्नेछ। यस्तो अवस्थामा अपराजित रहेको नेपाल प्रतियोगिताको च्याम्पियन हुनेछ भने एसिया कपमा छनोट हुनेछ ।

एसीसी प्रिमियर कपको फाइनल जित्ने टोली एसिया कपमा भारत र पाकिस्तान सम्मिलित समूहमा प्रतिस्पर्धा गर्नेछ ।

प्रकाशित मिति: मंगलबार, वैशाख १९, २०८० ०८:३३

प्रतिक्रिया दिनुहोस्