नेपाल र यूएईको बाँकी खेल सुरु

खेलकुद

गृहपृष्ठ
खेलकुद
नेपाल र यूएईको बाँकी खेल सुरु

नेपाल र यूएईको बाँकी खेल सुरु

मंगलबार, वैशाख १९, २०८० बागेश्वरी पोस्ट

नेपालगन्ज । काठमाडौंमा जारी एसीसी प्रिमियर कप क्रीकेटको हिजो वर्षाले रोकिएको फाइनल खेल पुनः आज बिहान ९ बजेदेखि कीर्तिपुर मैदानमा सुरु भएको छ ।

नेपालले टस जितेर फिल्डिङ रोज्दै यूएईलाई पहिलो ब्याटिङ गर्ने निम्तो दिएपनि यूएईले लगातार विकेट गुमाउँदै १०६ रनमा ९ विकेट गुमाइसकेको छ ।

वर्षाले खेल रोकिनुअघि यूएईले ९ औं विकेट गुमाएको छ । यूएईले वर्षा हुन अघि २७. ३ ओभरमा १०६ रन बनाउँदै ९ औं विकेट गुमाइसकेको छ । खेल २७.३ ओभरबाट सुरु भएको छ ।

अहिलेसम्म यूएईका महोमद वासिम, वृत्य अरविन्द, आर्यन लाक्रा, रमिज सहजाद, रोहन मुस्तफा, बसिल हमिद र अफ्जल आयन खान, आशिफ खान र जहुर खान आउट भइसकेका छन् । अहिले जुनेद सिद्दिकी र पलानीयप्पन मियाप्पन क्रीजमा छन् ।

आजको खेल पनि वर्षाले अवरूद्ध भएमा ओभर घटाइनेछ । ओभर घटाएर पनि खेल सम्भव नभए सुपर ओभर हुनेछ ।

सुपर ओभर पनि सम्भव नभएमा वरीयताको आधारमा च्याम्पियनको टुंगो लाग्नेछ । यस्तो अवस्थामा अपराजित रहेको नेपाल प्रतियोगिताको च्याम्पियन हुनेछ भने एसिया कपमा छनोट हुनेछ ।

एसीसी प्रिमियर कपको फाइनल जित्ने टोली एसिया कपमा भारत र पाकिस्तान सम्मिलित समूहमा प्रतिस्पर्धा गर्नेछ ।

प्रकाशित मिति: मंगलबार, वैशाख १९, २०८० ०८:५८

प्रतिक्रिया दिनुहोस्