सरकारले एसीसी प्रिमियर कप विजेता क्रीकेट खेलाडीलाई जनही ६ लाख रुपैयाँ दिँदै

खेलकुद

गृहपृष्ठ
खेलकुद
सरकारले एसीसी प्रिमियर कप विजेता क्रीकेट खेलाडीलाई जनही ६ लाख रुपैयाँ दिँदै

सरकारले एसीसी प्रिमियर कप विजेता क्रीकेट खेलाडीलाई जनही ६ लाख रुपैयाँ दिँदै

बुधबार, वैशाख २०, २०८० बागेश्वरी पोस्ट

नेपालगन्ज । एसिसी प्रिमियर कपको उपाधि जितेर एसिया कपमा पुगेको नेपाली राष्ट्रिय क्रिकेट खेलाडीहरूलाई सरकारले जनही ६ लाख रुपैयाँ पुरस्कार दिने निर्णय गरेको छ ।

आज बिहान बसेको मन्त्रिपरिषद बैठकले नेपाली राष्ट्रिय क्रिकेट खेलाडीलाई जनही ६ लाख र राष्ट्रिय क्रिकेट टिमका अफिसियललाई जनही ३ लाख रुपैयाँ दिने निर्णय गरेको सरकारकी प्रवक्ता रेखा शर्माले जानकारी दिएकी छिन् ।

हिजो भएको एसिसी प्रिमियर कपको फाइनलमा नेपालले युएईलाई ७ विकेटले हराउँदै एसिसी प्रिमियर कपको उपाधिसँगै नेपाल एसिया कपका लागि छनौट भएको छ । आगामी सेप्टेम्बरमा पाकिस्तानमा हुने एसिया कपमा नेपालले अब भारत र पाकिस्तानसँग खेल्नेछ ।

सरकारले कीर्तिपुर क्रिकेट मैदान अन्तर्राष्ट्रियस्तरको बनाउन आगामी आर्थिक वर्षमा बजेट बिनियोजन गर्ने पनि आजको बैठकले निर्णय गरेको छ ।

प्रकाशित मिति: बुधबार, वैशाख २०, २०८० १३:०२