साफ च्याम्पियनसिप: नेपाल कठिन समूहमा, नेपालको कुवेतसँग पहिलो खेल

खेलकुद

गृहपृष्ठ
खेलकुद
साफ च्याम्पियनसिप: नेपाल कठिन समूहमा, नेपालको कुवेतसँग पहिलो खेल

साफ च्याम्पियनसिप: नेपाल कठिन समूहमा, नेपालको कुवेतसँग पहिलो खेल

बुधबार, जेठ ३, २०८० बागेश्वरी पोस्ट

नेपालगन्ज । १४औं साफ च्याम्पियनशिप फुटबल अन्तर्गत नेपाल कठिन समूहमा परेको छ । दक्षिण एसियाली फुटबल महासंघ (साफ) ले आज भारतको नयाँदिल्लीमा च्याम्पियनशिपको ड्र सार्वजनिक गरेको हो ।

समूह विभाजन अनुसार नेपाल कठिन समूह ‘ए’ मा परेको छ । नेपालको समूहमा साविक विजेता भारत, कुवेत र पाकिस्तान रहेको छ ।

समूह ‘बी’ मा लेबनान, माल्दिभ्स, भुटान र बंगलादेश रहेको छ । साफ च्याम्पियनशिप असार ६ देखि १८ गतेसम्म बेंगलुरुमा हुनेछ ।

फिफाको प्रतिबन्धको कारण यस संस्करणमा श्रीलंकाले खेल्ने छैन । तर कुवेत र लेबनानले पहिलो पटक आमन्त्रित टोलीको रुपमा खेल्नेछन्।

यसअघि साफको १४ औं संस्करण बंगलादेशमा हुने तय थियो । तर, बंगलादेशले आयोजना गर्न नसक्ने भएपछि भारतमा प्रतियोगिता हुन लागेको हो ।

माल्दिभ्समा आयोजना भएको १३औं साफ च्याम्पियनसिपमा नेपाल उपविजेता बनेको थियो । सन् २०२१ मा भएको उक्त च्याम्पियनशिपको फाइनलमा नेपाल भारतसँग ३–० ले पराजित भएको थियो ।

प्रकाशित मिति: बुधबार, जेठ ३, २०८० १७:२८

प्रतिक्रिया दिनुहोस्