लुम्बिनी प्रदेश स्तरिय रग्बी सुरु, बर्दिया शिर्ष स्थानमा

खेलकुद

गृहपृष्ठ
खेलकुद
लुम्बिनी प्रदेश स्तरिय रग्बी सुरु, बर्दिया शिर्ष स्थानमा

लुम्बिनी प्रदेश स्तरिय रग्बी सुरु, बर्दिया शिर्ष स्थानमा

शुक्रबार, जेठ २६, २०८० बागेश्वरी पोस्ट

लक्ष्मण बस्नेत/ दाङ । लुम्बिनी प्रदेश स्तरिय महिला तथा पुरुष रग्बी लिग प्रतियोगिता २०८० आजदेखि दाङको बेलझुन्डिमा सुरु भएको छ ।

लुम्बिनी प्रदेश रग्बी संघको आयोजनामा संचालित प्रतियोगिताको उद्घाटन लुम्बिनी प्रदेश खेलकुद परिषदका सदस्य सचिव जयप्रकाश भट्टराईले गरे ।

उद्घाटन समारोह लाई सम्बोधन गर्दै सदस्य सचिव भट्टराईले मौगोलिक भुवनोट र हावापानीका दृष्टीकोणले पुर्ण लुम्बिनी प्रदेश लाई खेलकुदको गन्तव्यका रुपमा बिकास गर्नुपर्ने बताए ।

'खेलकुद मावन स्वास्थ्यको अभिन्न अंग हो, देशको समृद्धीमा यसको महत्वपुर्ण भुमिका छ, त्यसैले आजैदेखि खेल विकासमा जुटौ सिङ्गो लुम्बिनी प्रदेश खेलकुदको गन्तव्य अवश्य बन्नेछ,' उनले भने ।

सात वटै प्रदेशमा लुम्बिनी प्रदेश रग्बीमा अगाडि छ अव स्थानिय तहले ग्रमाणी स्तर बाटै खेल विकासको स्पष्ट खाँका कोर्दै पछिल्लो समय लोकप्रीय बन्दै गएको रग्बी खेलको विकासमा चासो र चिन्तन गर्नपर्ने उनको भनाई छ ।

लुम्बिनी प्रदेश रग्बी संघका अध्यक्ष नवीन थापाको अध्यक्षतामा भएको कार्यक्रममा तुलसीपुर उपमहानगरपालिकाका उपप्रमुख स्यानी चौधरीले विकास, अनुशासन र गतिशिलतालाई खेलाडीले उच्च आर्दशका साथ पालना गर्नुपर्ने बताइन् ।

'हामी उपमहानगरपालिकाको निती तथा कार्यक्रममा शिक्षा जत्तिकै महत्वका साथ खेलकुदलाई स्थान दिनेछौ, अब उपमहानगरलाई कसरी खेलकुदमय बनाउन सकिन्छ भन्ने विषय हाम्रो उच्च प्राथमिकतामा रहन्छ,' चौधरीले भनिन् ।

प्रतियोगिताको महिला तथा पुरुष बिजेता टिमले नगद ५० हजार, ट्रफी, मेडल प्रमाणपत्र हात पार्नेछ ।

भोलिसम्म चल्ने प्रतियोगितामा दाङ, बाके र बर्दिया जिल्लाका गरि महिला तर्फ ४ र पुरुष तर्फ ४ टिमको सहभागिता रहेको छ ।

यसैबिच प्रतियोगिताको आज सम्म सम्पन्न खेल तालिकामा पुरुष र महिला तर्फ दुई खेलमा जित हात पार्दै बर्दिया आठ अंकका साथ शिर्ष स्थानमा रहेको छ । प्रतियोगिता अन्तर्गत भोलिका खेल बिहान ७ बजेदेखी सुरु हुने रग्बी संघ दाङका सचिव सन्तोष बुढाथोकीले जानकारी दिएका छन् ।

प्रकाशित मिति: शुक्रबार, जेठ २६, २०८० २०:३२