नेपालले जिम्बाब्बेलाई दियो २९१ रनको टार्गेट

खेलकुद

गृहपृष्ठ
खेलकुद
नेपालले जिम्बाब्बेलाई दियो २९१ रनको टार्गेट

नेपालले जिम्बाब्बेलाई दियो २९१ रनको टार्गेट

आइतबार, असार ३, २०८० बागेश्वरी पोस्ट

नेपालगन्ज । भारतमा हुने आगामी आईसीसी क्रिकेट विश्वकप छनोट अन्तर्गत समूह 'ए' को पहिलो खेलमा नेपालले जिम्बाब्बेलाई जितका लागि २९१ रनको लक्ष्य दिएको छ ।

हरारेमा टस जितेर पहिला ब्याटिङ्ग गरेको नेपालले ५० ओभरमा ८ विकेट गुमाउँदै ‍‍ २९० रन बनाएको हो ।

नेपालका लागि ओपनरद्वार कुशल भुर्तेल र आसिफ शेखले उत्कृष्ट पारी खेले । कुशल शतक पूरा गर्नबाट १ रनले चुके ।

जिम्बाव्वेका वेलिङटन मसाकान्डाले कुशललाई ९९ रनमा बोल्ड गरे । ९५ बल खेलेका उनले १३ चौका र २ छक्का प्रहार गरे ।

यस्तै आसिफ शेख ६६ रनमा आउट भए । आसिफले १०० बलमा ७ चौका मद्दतमा ६६ रन बनाए । आसिफ वेलिङटन मसाकान्डाको बलमा रायन बुर्लद्वारा क्याच आउट भएका हुन् ।

कुशल मल्ल ४१ तथा रोहितकुमार पौडेल ३१ रनमा आउट भए । गुल्सन झा १३ रनमा आउट भए भने भीम सार्कीले खाता नै खोल्न सकेनन् ।

जिम्बाव्वेका रिचर्ड नागरभाले ४ विकेट लिए ।

प्रकाशित मिति: आइतबार, असार ३, २०८० १६:२०

प्रतिक्रिया दिनुहोस्

आम निर्वाचन-२०७९

आज मध्यरातदेखि उपनिर्वाचनको मौन अवधि बागेश्वरी पोस्ट

मन्त्री र उम्मेदवार छान्न कांग्रेसको केन्द्रीय कार्यसम्पादन समिति बैठक बस्दै बागेश्वरी पोस्ट

उप–चुनावमा भाग लिन दल दर्ताका लागि दिएको समय आज सकिँदै बागेश्वरी पोस्ट