नेपालले टस जितेर अमेरिकाविरुद्ध बलिङ गर्दै

खेलकुद

गृहपृष्ठ
खेलकुद
नेपालले टस जितेर अमेरिकाविरुद्ध बलिङ गर्दै

नेपालले टस जितेर अमेरिकाविरुद्ध बलिङ गर्दै

मंगलबार, असार ५, २०८० बागेश्वरी पोस्ट

नेपालगन्ज । भारतमा आयोजना हुने आइसीसी एक दिवसीय विश्वकप छनोट क्रिकेट प्रतियोगिता अन्तर्गत आज नेपाल र अमेरिका भिड्दैछन् ।

जिम्बाब्बेको हरारेमा भइरहेको खेलमा नेपालले टस जितेर बलिङ गर्दै अमेरिकालाई ब्याटिङको निम्तो दिएको छ ।

समूह 'ए' बाट यसअघिका पहिलो खेलमा नेपाल जिम्बाब्वेसँग ८ विकेट र अमेरिका वेस्ट इन्डिजसँग ३९ रनले पराजित भएका थिए । आज नेपालले अमेरिकालाई पराजित गरे सुपरसिक्समा पुग्ने सम्भावना जिवित हुनेछ । अमेरिका पनि जितको खोजीमा छ । अमेरिका पनि नेपाललाई पराजित गरेको अवस्थामा सुपरसिक्समा पुग्ने बलियो सम्भावना हुनेछ ।

आज नेपाल विजयी भए सुपरस्किसको यात्रा गर्ने जिवितै आशा हुनेछ भने पराजित भएमा वेस्ट इन्डिज र नेदरल्यान्डलाई पराजित गर्नुपर्नेछ।

यसअघि नेपाल र अमेरिकाबीच ६ ओडिआई खेल भएका छन् । नेपालले ३ खेलमा जीत, २ खेलमा पराजित र १ खेल टाई भएको छ । २०२० मा नेपालले टियु मैदानमा अमेरिकालाई ३५ रनमा अल आउट गरेको थियो ।

त्यस्तै २०२२ मा अमेरिकाले आफ्नो घरेलु मैदानमा २ सय ७५ रनको लक्ष्य पछ्याउने क्रममा खेलमा टाई गरेको थियो ।

आज सोमापाल कामीको स्थानमा ललित राजवंशी आएका छन् । कामी जिम्बाब्बेसँगको खेलमा घाइते भएका थिए ।

प्रकाशित मिति: मंगलबार, असार ५, २०८० १२:२९

प्रतिक्रिया दिनुहोस्