साफ च्याम्पियनसिपमा भारतविरुद्धको खेलमा पनि नेपाल 'डु अर डाई'को अवस्थामा

खेलकुद

गृहपृष्ठ
खेलकुद
साफ च्याम्पियनसिपमा भारतविरुद्धको खेलमा पनि नेपाल 'डु अर डाई'को अवस्थामा

साफ च्याम्पियनसिपमा भारतविरुद्धको खेलमा पनि नेपाल 'डु अर डाई'को अवस्थामा

शनिबार, असार ९, २०८० बागेश्वरी पोस्ट

नेपालगन्ज । भारतमा जारी साफ च्याम्पियनसिप फुटबल अन्तर्गत नेपालले दोस्रो खेल चिरपरिचित प्रतिद्वन्द्वी भारतको सामना गर्दैछ। भारतको बेंगलुरुमा हुने आफ्नो दोस्रो खेलमा आयोजक भारतसँग खेल्दैछ ।

नेपालले सेमिफाइनल प्रवेशको आशालाई जिवितै राख्न भारतललाई जित्नैपर्ने दबाब छ । नेपालका लागि यो खेल डु अर डाईको अवस्था छ । यो खेल जिते नेपालले सेमिफाइनल जाने बाटो जिवित हुनेछ भने हार बेहोर्दा नेपालको अर्को चरण सम्भावना समाप्त भएर घर फर्किनेछ ।

नेपाली टिमका मुख्य प्रशिक्षक भिन्सेन्जो अल्बर्टो एनिसले यो फाइनल जस्तै भएको प्रतिक्रिया दिएका छन् । नेपालले भारतलाई हराउन सकेमात्र अन्तिम खेलमा पाकिस्तानसँग खेल्दा जितको अर्थ रहनेछ ।

समूह ‘ए’ मा डिफेन्डिङ च्याम्पियन भारत र आमन्त्रित कुवेत समान ३ अंक बटुल्दै शीर्ष दुई स्थानमा छन् । नेपाल र पाकिस्तान अंकविहीन छन् ।

पाकिस्तान भारतसँग पराजित भएको थियो । नेपाल पहिलो खेलमा कुवेतसँग पराजित भएको थियो । आजको अर्को खेलमा कुवेतले पाकिस्तानसँग खेल्दैछ ।

नेपाल कुवेतसँग ३–१ ले पराजित हुँदा भारतले पाकिस्तानलाई ४–० ले हराएको थियो । नेपाल र भारतबीचको खेल बेलुकी ७ः४५ बजे शुरु हुनेछ । त्यसअघि पौने ४ बजे कुवेत र पाकिस्तान खेल्नेछन् । पाकिस्तान पनि कुवेतविरुद्ध जित ननिकाले घर फर्किनेछ ।

प्रकाशित मिति: शनिबार, असार ९, २०८० ११:३९

प्रतिक्रिया दिनुहोस्