मणिपाल अस्पतालमा चिकित्सकमाथि हातपात

स्वास्थ्य

गृहपृष्ठ
स्वास्थ्य
मणिपाल अस्पतालमा चिकित्सकमाथि हातपात

मणिपाल अस्पतालमा चिकित्सकमाथि हातपात

सोमबार, असोज ८, २०८० बागेश्वरी पोस्ट

पोखरा । हेटौंडामा चिकित्सकमाथि कुटपिट भएको घटना सेलाउन नपाउँदै फेरि चिकित्सकलाई हातपात भएको छ ।

आज पोखरास्थित मणिपाल शिक्षण अस्पतालमा चिकित्सकमाथि हातपात भएको हो ।

अस्पतालमा उपचाररत बिरामीको मृत्यु भएपछि त्यहाका चिकित्सकमाथि हातपात भएको हो । लमजुङ सुन्दरबजार नगरपालिका–७ का २७ बर्षीय बिरामी सुकमाया दुराको आज दिउँसो मृत्यु भएपछि उनका आफन्तले चिकित्सकमाथि हातपात गरेको जिल्ला प्रहरी कास्कीले जनाएको छ ।

आइसियुमा भर्ना भएर उपचार गराइरहेकी सुकमायाको मृत्यु भएपछि उनका आफन्तले अस्पतालमा तोडफोड गर्दै चिकित्सकमाथि हातपात गरेका हुन् ।

अहिले मणिपाल अस्पतालमा तनाव सृजना भएको छ । ठुलो संख्यामा प्रहरी परिचालन गरिएको कास्की प्रहरीले जानकारी दिएको छ ।

प्रकाशित मिति: सोमबार, असोज ८, २०८० १८:१७

प्रतिक्रिया दिनुहोस्