टी-२० मा नेपालको कीर्तिमानी स्कोर, मंगोलियाविरुद्द ३१४ रन

खेलकुद

गृहपृष्ठ
खेलकुद
टी-२० मा नेपालको कीर्तिमानी स्कोर, मंगोलियाविरुद्द ३१४ रन

टी-२० मा नेपालको कीर्तिमानी स्कोर, मंगोलियाविरुद्द ३१४ रन

बुधबार, असोज १०, २०८० बागेश्वरी पोस्ट

काठमाडौं । एसियन गेम्स अन्तर्गतको टी–२० क्रिकेटमा नेपालले मंगोलियालाई विशाल ३१५ रनको लक्ष्य दिएको छ ।

नेपालका अलराउन्डर कुशल मल्लको उत्कृष्ट प्रदर्शनले नेपालले मंगोलियालाई २० ओभरमा ३ विकेट गुमाउँदै ३१५ रनको लक्ष्य दिएको हो ।

नेपालका मल्लले नट आउट रहँदै ५० बलमा १३७ रन बनाएका छन् । उनले १२ छक्का र ८ चौका प्रहार गरेका छन् । मल्लले ३४ बलमा शतक प्रहार गर्दै विश्व क्रीतिमान समेत बनाएका छन् ।

त्यस्तै कप्तान रोहित पौडेलले २७ बलमा ६१ र दीपेन्द्र सिंह ऐरीले १० बलमा ५२ रन प्रहार गरेका छन् ।

नेपालले टी-२० कै इतिहासमा सर्वाधिक रन बनाएको छ । यसअघि अफगानिस्तानले आयरल्याण्ड र चेक रिपब्लिकले टर्कीविरुद्द बनाएको २७८ रनको रेकर्ड भत्काउदै नेपालले नयाँ रेकर्ड बनाएको हो ।

प्रकाशित मिति: बुधबार, असोज १०, २०८० ०९:०४

प्रतिक्रिया दिनुहोस्