नेपालको अर्को विश्व रेकर्ड: टी-२० मा नेपालसँग मंगोलिया २७३ रनले पराजित

खेलकुद

गृहपृष्ठ
खेलकुद
नेपालको अर्को विश्व रेकर्ड: टी-२० मा नेपालसँग मंगोलिया २७३ रनले पराजित

नेपालको अर्को विश्व रेकर्ड: टी-२० मा नेपालसँग मंगोलिया २७३ रनले पराजित

बुधबार, असोज १०, २०८० बागेश्वरी पोस्ट

काठमाडौं । एसियन गेम्स अन्तर्गतको टी–२० क्रिकेटमा नेपालले मंगोलियालाई २७३ रनले पराजित गरेको छ । नेपाल टी-२० मा सबैभन्दा बढी रन अन्तरले विजयी बन्दै अर्को विश्व कीर्तिमानी कायम गरेको हो ।

आज बिहान टस हारेर पहिलो ब्याटिङ गरेको नेपालले दिएको ३१५ रनको लक्ष्य पछ्याउँदै ब्याटिङमा उत्रेको मंगोलिया ४१ रनमै अलआउट भएको हो ।

मंगोलियाले सबै विकेट गुमाएर १३.१ ओभरमा ४१ रन बनाएको हो । मंगोलियाका दाभासुरेन जमैनसुरेनले सर्वाधिक १० रन बनाए । अन्य खेलाडीहरुले दोहोरो अंक जोड्न सकेनन् ।

नेपालका लागि करण केसी, अबिनाश बोहरा र सन्दीप लामिछानेले समान २-२ विकेट लिए भने सोमपाल कामी, कुशल भुर्तेल र दीपेन्द्र सिंह ऐरीले १-१ विकेट लिएका थिए ।

सुरुवाती ब्याटिङ गरेको नेपालका अलराउन्डर कुशल मल्लको उत्कृष्ट प्रदर्शन गर्दै ५० बलमा १३७ रन बनाए भने दीपेन्द्र सिंह ऐरीले १० बलमा ५२ रन बनाएका थिए । त्यस्तै कप्तान रोहित पौडेलले २७ बल खेल्दै ६१ रन बनाए ।

नेपालका मल्लले ३४ बलमा शतक प्रहार गर्दै विश्व क्रीतिमान समेत बनाएका छन् ।

नेपालले टी-२० कै इतिहासमा सर्वाधिक रन बनाएको छ । यसअघि अफगानिस्तानले आयरल्याण्ड र चेक रिपब्लिकले टर्कीविरुद्ध बनाएको २७८ रनको रेकर्ड भत्काउँदै नेपालले नयाँ रेकर्ड बनाएको हो ।

प्रकाशित मिति: बुधबार, असोज १०, २०८० १०:४२

प्रतिक्रिया दिनुहोस्