एसियाली खेलकुद: नेपाल टी-२० क्रिकेटको क्वाटरफाइनलमा

खेलकुद

गृहपृष्ठ
खेलकुद
एसियाली खेलकुद: नेपाल टी-२० क्रिकेटको क्वाटरफाइनलमा

एसियाली खेलकुद: नेपाल टी-२० क्रिकेटको क्वाटरफाइनलमा

आइतबार, असोज १४, २०८० बागेश्वरी पोस्ट

नेपालगन्ज । चीनमा जारी एसियाली खेलकुद अन्तर्गत टी-२० क्रिकेटमा नेपाल क्वार्टरफाइनलमा पुगेको छ । नेपालले आज बिहान भएको खेलमा माल्दिभ्सलाई १३८ रनले पराजित गर्दै अन्तिम ८ मा प्रवेश गरेको हो ।

बिहान भएको खेलमा पहिले ब्याटिङ गरेको नेपालले २० ओभरमा ७ विकेट गुमाउँदै २१२ रन जोडेको हो । २१३ रनको लक्ष्य पछ्याएर जवाफी ब्याटिङ गरेको माल्दिभ्सले १९.४ ओभरमा सबै विकेट गुमाएर ७४ रन बनायो । माल्दिभ्सका घानी अब्दुलले सर्वाधिक ३६ रन बनाए ।

माल्दिभ्सविरुद्धको खेलमा अविनाश बोहराले सर्वाधिक ६ विकेट लिए भने सन्दीप लामिछाने, सोमपाल कामी, गुल्सन झा र कुशल भुर्तेलले १-१ विकेट लिए ।

त्यस्तै नेपालका लागि कप्तान रोहित कुमार पौडेलले सर्वाधिक ५२ रन बनाए । कुशल मल्लले ४७ र कुशल भुर्तेलले ३५ रन जोडेका थिए ।

समूह 'ए' को विजेता बन्दै क्वाटरफाइनलमा पुगेको नेपालले अब भारत, पाकिस्तान, बंगालदेश र श्रीलंका मध्ये एक टिमसँग खेल्नेछ ।

प्रकाशित मिति: आइतबार, असोज १४, २०८० ११:१३

प्रतिक्रिया दिनुहोस्