एसियन गेम्स: नेपाल भारतसँग २३ रनले पराजित

खेलकुद

गृहपृष्ठ
खेलकुद
एसियन गेम्स: नेपाल भारतसँग २३ रनले पराजित

एसियन गेम्स: नेपाल भारतसँग २३ रनले पराजित

मंगलबार, असोज १६, २०८० बागेश्वरी पोस्ट

काठमाडौं । चीनमा जारी एसियन गेम्स अन्तर्गत पुरुष टी-२० क्रिकेटमा नेपाल भारतसँग पराजित हुँदै क्वाटरफाइनलबाट बाहिरिएको छ । आज बिहान भएको क्वाटरफाइनलमा भारतले नेपाललाई २३ रनले पराजित गर्दै सेमिफाइनलमा प्रवेश गरेको छ ।

टस जितेर पहिलो ब्याटिङ गरेको भारतले दिएको २०३ रनको विशाल लक्ष्य पछ्याउँदै जवाफी ब्याटिङमा उत्रिएको नेपालले ९ विकेट गुमाउँदै १७९ रन बनाएको हो । नेपालका दीपेन्द्र सिङ ऐरीले सर्वाधिक ३२ रन बनाए भने कुशल भुर्तेलले २८ र कुशल मल्ल र सन्दीप जोराले समान २९ रन जोडेका थिए । बलर करण केसीले १८ रन बनाए ।

नेपाली खेलाडीहरुको उत्कृष्ट प्रदर्शन भएपनि भारतविरुद्ध जित निकाल्न सकेनन् । भारतका बलर रबि बिसोनी र अभेश खानले सर्वाधिक ३-३ विकेट लिए भने अर्शदिप सिंहले २ तथा साइ किशोरीले १ विकेट लिएका थिए । यसअघि ब्याटिङ गरेको भारतका लागि एसश्भी जैसवालले शतक हानेका थिए ।

प्रकाशित मिति: मंगलबार, असोज १६, २०८० १०:३४

प्रतिक्रिया दिनुहोस्