एरिकाले नेपाललाई दिलाइन् रजत पदक

खेलकुद

गृहपृष्ठ
खेलकुद
एरिकाले नेपाललाई दिलाइन् रजत पदक

एरिकाले नेपाललाई दिलाइन् रजत पदक

शनिबार, असोज २०, २०८० बागेश्वरी पोस्ट

नेपालगञ्ज । चीनमा जारी १९ औं एसियाली खेलकुदको कराँतेमा नेपालकी एरिया गुरुङले रजत पदक हात पारेकी छिन् । ६८ केजी तौल समूहको फाइनलमा गुरुङ काजकिस्तानकी सोफ्या बेरुल्तसेभासँग ३-० ले पराजित भएपछि उनले नेपालका लागि पहिलो रजत पदक दिलाएकी छिन् ।

एरिकाले हाङझाउमा जारी खेलकुदको सेमिफाइनलमा हङकङकी हो काइ यानलाई ८-४ अंकले पराजित गरिन् । त्यस्तै क्वार्टरफाइनलमा जापानकी खेलाडीलाई पराजित गरेकी हुन् । देशका लागि पहिलो ठुलो रजत पदक हात पारेपछि एरिकाले आफूले जितेको पदक देशका लागि समर्पण गर्न चाहेको बताएकी छिन् । निकै मेहनतका साथ फाइनलमा पुगेर आफुले सकेको खेल्दा पनि पराजित हुनु परेको बताइन् ।

उनी नेपालका लागि एसियायी खेलकुदमा रजत पदक जित्ने दोश्रो खेलाडी बनेकी छिन् । यसअघि संगीना वैधले रजत जितेकी थिइन् । यसअघि कबड्डीमा नेपाली महिला टोलीले कास्य पदक जितेको नेपाल अब एक रजत र एक कास्य पदक ल्याएर पदकविहीन बन्नबाट सफल भएको छ ।

प्रकाशित मिति: शनिबार, असोज २०, २०८० १८:१८