टी-२० क्रिकेटमा हङकङलाई हराउँदै नेपाल फाइनलमा

खेलकुद

गृहपृष्ठ
खेलकुद
टी-२० क्रिकेटमा हङकङलाई हराउँदै नेपाल फाइनलमा

टी-२० क्रिकेटमा हङकङलाई हराउँदै नेपाल फाइनलमा

शनिबार, कात्तिक ४, २०८० बागेश्वरी पोस्ट

काठमाडौं । नेपाल त्रिकोणात्मक टी-२० क्रिकेट श्रृंखलाको फाइनलमा पुगेको छ ।

आज बिहान भएको खेलमा नेपालले दिएको २१४ रनको लक्ष्य पछ्याउँदै ब्याटिङमा उत्रेको हङकङ ७९ रनले पराजित भएको छ । हङकङलाई पराजित गर्दै नेपाल एक खेल बाँकि छँदै फाइनलमा पुगेको हो ।

हङकङले २० ओभरमा ८ विकेट गुमाउँदै १३४ रन बनायो । हङकङका लागि अन्शे राठले सर्वाधिक ४५ रन बनाए।

त्यस्तै नेपालका सोमपाल कामी , ललित राजवंशी र करण केसीले समान २-२ र दीपेन्द्रसिंह ऐरीले १-१ विकेट लिए ।

टस जितेर ब्याटिङ रोजेको नेपालले निर्धारित २० ओभरमा ६ विकेट गुमाएर २१३ रन बनायो । नेपालका लागि कुशल मल्लले ९२ र दीपेन्द्रसिंह ऐरीले ५७ रन बनाएका थिए ।

हङकङका लागि मोहम्मद गजानफर र हारुन अरसदले समान २-२ विकेट र आयुस शुक्ला, ऐजाज खान र एसान खानले समान १-१ विकेट लिएका थिए ।

प्रकाशित मिति: शनिबार, कात्तिक ४, २०८० १४:५१

प्रतिक्रिया दिनुहोस्