त्रिदेशीय टी–२० अन्तर्राष्ट्रिय क्रिकेटको फाइनलमा आज नेपाल र युएई भिड्दै

खेलकुद

गृहपृष्ठ
खेलकुद
त्रिदेशीय टी–२० अन्तर्राष्ट्रिय क्रिकेटको फाइनलमा आज नेपाल र युएई भिड्दै

त्रिदेशीय टी–२० अन्तर्राष्ट्रिय क्रिकेटको फाइनलमा आज नेपाल र युएई भिड्दै

शुक्रबार, कात्तिक १०, २०८० बागेश्वरी पोस्ट

नेपालगञ्ज । त्रिदेशीय टी–२० अन्तर्राष्ट्रिय क्रिकेट शृङ्खलाको फाइनलमा आज नेपालले यूएईसँग खेल्दैछ । खेल त्रिवि क्रिकेट मैदान कीर्तिपुरमा बिहान ११ बजे शुरु हुनेछ ।

नेपालले हङकङ र यूएईलाई समान २/२ खेलमा हराएको थियो । नेपालले पहिलो खेलमा यूएईलाई ७ विकेट, दोस्रो खेलमा हङकङलाई ६ विकेट, तेस्रो खेलमा हङकङलाई ७९ रन र समूह चरणको पाँचौँ खेलमा यूएईलाई ५ विकेटले हराएको थियो ।

यस्तै यूएईले हङकङलाई १ खेलमा हराउँदै फाइनलमा पुगेको हो । यूएई र हङकङको समान २ अङ्क भए पनि यूएई नेट रनरेटका आधारमा फाइनल खेल्न लागेको हो ।

आईसीसी टी–२० विश्वकप छनोटको तयारी स्वरूप नेपाल क्रिकेट सङ्घ (क्यान) ले त्रिदेशीय टी–२० क्रिकेट शृङ्खलाको आयोजना गरेको हो ।

नेपाल र यूएईबीच टी–२० अन्तर्राष्ट्रिय क्रिकेटमा अहिलेसम्म ७ खेल हुँदा नेपाल ४ र यूएई ३ खेलमा विजयी भएको छ ।

प्रकाशित मिति: शुक्रबार, कात्तिक १०, २०८० ०८:१५

प्रतिक्रिया दिनुहोस्