प्रथम किशोरसिंह राठौर यु–१६ कपः आइडियल ३ विकेटले विजयी

खेलकुद

गृहपृष्ठ
खेलकुद
प्रथम किशोरसिंह राठौर यु–१६ कपः आइडियल ३ विकेटले विजयी

प्रथम किशोरसिंह राठौर यु–१६ कपः आइडियल ३ विकेटले विजयी

मंगलबार, पुस १०, २०८० गौरब गिरी

नेपालगञ्ज । आइडियल सेकेण्डरी स्कुलले प्रथम किशोरसिंह राठौर यु–१६ कप क्रिकेट प्रतियोगितामा जीत हासिल गरेको छ । नेपालगञ्जको मंगलप्रसाद उच्च माविको खेल मैदानमा भएको खेलमा आइडियलले महेन्द्र सेकेण्डरी स्कुललाई ३ विकेटले पराजित गरेको छ । सुरुवातमा ब्याटिङ गरेको महेन्द्रले १८.१ ओभरमा १ सय २८ रन बनाएर अलआउट भएको थियो ।

टोलीका लागि आर्यन खत्रीले ३१ रन, महेन्द्र आले मगरले २० रन, विशाल खड्का र सौरभ शाहीले १०–१० रन बनाए । आइडियलका वलर अनस कसगर र असरफ हुसेन शाहले ३–३ विकेट, समिर अन्सारी र मुबारक अली शाहले २–२ विकेट लिन सफल भए । जवाफमा समिर अन्सारीले अविजित ३० रनको योगदान गरेपछि आइडियलले ३ बल बाँकी रहेको अवस्थामा जीत हासिल गरेको थियो । १९.३ ओभरमा जीत हासिल गरेको आइडियलका लागि समिरले ३६ बलमा २ चौका प्रहार गरे । समिर खेलमा म्यान अफ द म्याच समेत घोषित भएका थिए ।

आइडियलका अन्य प्रभावशाली ब्याटिङ गर्ने क्रममा अदान अन्सारीले ३० रन, असलम शेखले १३ रन र अनुराग बैश्यले ११ रनको योगदान गरे । महेन्द्रका बलर विशाल खड्काले ३ विकेट, आर्यन खत्री र निराजन चन्दले २–२ विकेट लिएका थिए । खेलमा म्यान अफ द म्याच घोषित समिरलाई नेपालगञ्ज उप–महानगरपालिका वडा नम्बर ८ वडा अध्यक्ष रजनिश बाजपई (विवेक) ले पुरस्कृत गरे ।

यसैगरी मंगलबारको अर्को खेलमा कोहलपुरको बागेश्वारी एकेडेमीले वाकओभर दिएको छ । खेल तालिका अनुसार बागेश्वारी एकेडेमी र मंगलप्रसाद मावि बीच प्रतिष्पर्धा हुने तय थियो । तर, बागेश्वरी एकेडेमी खेलमा सहभागी भएन् । ज्योति स्पोर्ट्स एकेडेमीले आयोजना गरेको प्रतियोगितामा बाँकेका १६ टिमले सहभागिता जनाएका छन् । आयोजक ज्योति स्पोर्ट्स एकेडेमीका अध्यक्ष सिद्धान्तजंग शाहीका अनुसार प्रतियोगिताको समुह ‘ए’ मा जिभिएन, एबिसी, ड्रिमल्यान्ड, सेन्ट जेभिर्यस, फुल्टेक्रा मावि, श्रीचन्द्र मेवालाल र मंगल प्रसाद उच्च मावि रहेका छन् ।

यसैगरी समुह ‘बी’ मा सिद्धार्थ विद्या सदन, जय बागेश्वरी मावि, ब्राइटल्यान्ड, नेपालगन्ज मोडेल एकेडेमी, पशुपति हाइस्कुल, आदर्श, मोर्डन, महेन्द्र र आइडियल पब्लिक स्कुल रहेका छन् । प्रतियोगितामा सहभागी टिमलाई दुई समुहमा विभाजन गरेर नकआउटको आधारमा प्रतिस्पर्धा गराइएको छ । प्रतियोगिताको विजेताले ५० हजार, उपविजेताले ३० हजार, उत्कृष्ट खेलाडीले १० हजार, उत्कृष्ट बलर, उत्कृष्ट फिल्डर, उत्कृष्ट ब्याट्सम्यानले समान ५ हजार रुपैयाँ पाउनेछन् । प्रत्येक खेलको प्लेयर अफ द म्याचले १ हजार पुरस्कार प्राप्त गर्नेछन् ।

प्रकाशित मिति: मंगलबार, पुस १०, २०८० २०:२५