सिद्धार्थ विद्या सदनको दोस्रो जीत

खेलकुद

गृहपृष्ठ
खेलकुद
सिद्धार्थ विद्या सदनको दोस्रो जीत

सिद्धार्थ विद्या सदनको दोस्रो जीत

शुक्रबार, पुस १३, २०८० बागेश्वरी पोस्ट

नेपालगञ्ज । सिद्धार्थ विद्या सदनले प्रथम किशोरसिंह राठौर यु–१६ कप क्रिकेट प्रतियोगितामा दोस्रो जीत हासिल गरेको छ । आज नेपालगञ्जस्थित मंगलप्रसाद उच्च माविको खेल मैदानमा भएको खेलमा सिद्धार्थले नेपालगञ्ज मोडेल एकेडेमीलाई ९५ रनले पराजित गरेको छ । यो जीतसंगै सिद्धार्थ सेमीफाइनलमा प्रवेश गरेको छ । सुरुवातमा ब्याटिङ गरेको सिद्धार्थले २० ओभरमा १ सय ६४ रन बनाएर अलआउट भएको थियो । टोलीका लागि आर्यन गुप्ताले २५ रन, सुमित नाँउले २१ रन, रियाजुदिन खानले १९ रन बनाए ।

नेपालगञ्ज मोडेलका समिर बस्नेत, अनुप बर्मा र रितेश ठकुरीले २–२ विकेट लिए । जवाफमा नेपालगञ्ज मोडेलले ११ ओभरमा ६९ रन मात्र बनाउन सक्यो । टोलीका लागि सुमित विष्टले १२ रन बाहेक अन्यले गतिलो स्कोर बनाउन सकेनन् ।सिद्धार्थका सुमित नाँउले ३ विकेट, प्रशान्त तामाङ र रितेश ठकुरीले २–२ विकेट लिएका थिए । खेलमा सिद्धार्थका सुमित नाँउ म्यान अफ द म्याचबाट पुरस्कृत भए । उनलाई बाँके जिल्ला खेलकुद विकास समिति अध्यक्ष सन्दिपजंग शाहले पुरस्कृत गरेका थिए ।

ज्योति स्पोर्ट्स एकेडेमीले आयोजना गरेको प्रतियोगितामा बाँकेका १६ टिमले सहभागिता जनाएका छन् । ज्योति स्पोर्टस एकेडेमीका अध्यक्ष सिद्धान्तजंग शाहीका अनुसार प्रतियोगिताको समूह ‘ए’मा जिभिएन, एबिसी, ड्रिमल्यान्ड, सेन्ट जेभिर्यस, फुल्टेक्रा मावि, श्रीचन्द्र मेवालाल र मंगल प्रसाद उच्च मावि रहेका छन् । यसैगरी समूह ‘बी’मा सिद्धार्थ विद्या सदन, जय बागेश्वरी मावि, ब्राइटल्यान्ड, नेपालगञ्ज मोडेल एकेडेमी, पशुपति हाइस्कुल, आदर्श, मोडर्न, महेन्द्र र आइडियल पब्लिक स्कुल रहेका छन् ।
प्रतियोगितामा सहभागी टिमलाई दुई समुहमा विभाजन गरेर नकआउटको आधारमा प्रतिष्पर्धा गराइएको छ । प्रतियोगिताको विजेताले ५० हजार, उपविजेताले ३० हजार, उत्कृष्ट खेलाडीले १० हजार, उत्कृष्ट बलर, उत्कृष्ट फिल्डर, उत्कृष्ट ब्याट्सम्यानले समान ५ हजार रुपैया ँपाउनेछन् । प्रत्येक खेलको प्लेयर अफ द म्याचले १ हजार पुरस्कार प्राप्त गर्नेछ ।

प्रकाशित मिति: शुक्रबार, पुस १३, २०८० २०:५३

प्रतिक्रिया दिनुहोस्