मंगलप्रसाद र नेपालगञ्ज मोडेल एकेडेमी फाइनलमा भिड्ने

खेलकुद

गृहपृष्ठ
खेलकुद
मंगलप्रसाद र नेपालगञ्ज मोडेल एकेडेमी फाइनलमा भिड्ने

मंगलप्रसाद र नेपालगञ्ज मोडेल एकेडेमी फाइनलमा भिड्ने

सेन्ट जेभियर्स कारवाहीमा परेपछि नेपालगञ्ज मोडेल एकेडेमीको भाग्य चम्कियो

बिहीबार, पुस १९, २०८० बागेश्वरी पोस्ट

नेपालगञ्ज । प्रतियोगिताको नियम विपरित खेलाडी खेलाएको भन्दै सेन्ट जेभियर्स स्कुललाई कारबाही गरिएको छ । प्रथम किशोर सिंह राठौर यु–१६ कप क्रिकेट प्रतियोगिताको फाइनल नेपालगञ्ज सेन्ट जेभियर्स र मंगलप्रसाद माविबीच हुने तय थियो । तर, सेन्ट जेभियर्सले बढी उमेरका खेलाडी र अन्य विद्यालयमा अध्ययन गरिरहेका खेलाडीलाई आफनो टिमबाट खेलाएको प्रोटेस्ट परेको थियो ।

उक्त प्रोटेस्ट अनुसार सेन्ट जेभियर्सले नियमको उल्लंघन गरेको पाइएपछि प्रतियोगिताको फाइनल खेल्नबाट बच्चित गरेको आयोजक ज्योति स्पोर्ट्स एकेडेमीले जनाएको छ । आयोजकले आज एक विज्ञप्ती जारी गदै अब प्रतियोगिताको फाइनल मंगलप्रसाद मावि र नेपालगञ्ज मोडेल एकेडेमीबीच हुने जनाएको छ ।

नेपालगञ्ज सेन्ट जेभियर्सले मंगलबार भएको दोस्रो सेमिफाइनलमा नेपालगञ्ज मोडेल एकेडेमीलाई ७ विकेटले हराउँदै फाइनलमा प्रवेश गरेको थियो । ज्योति स्पोर्ट्स एकेडेमीले आयोजना गरेको प्रतियोगितामा बाँकेका १६ टिमको सहभागिता रहेको छ ।प्रतियोगिताको समूह ‘ए’ मा जिभिएन, एबिसी, ड्रिमल्यान्ड, सेन्ट जेभियर्स, फुल्टेक्रा मावि, श्रीचन्द्र मेवालाल र मंगलप्रसाद मावि रहेका छन् । यसैगरी समूह ‘बी’ मा सिद्धार्थ विद्या सदन, जय बागेश्वरी मावि, ब्राइटल्याण्ड, नेपालगञ्ज मोडेल एकेडेमी, पशुपति हाइस्कुल, आदर्श, मोडर्न, महेन्द्र र आइडियल पब्लिक स्कुल छन् ।

प्रतियोगितामा सहभागी टिमलाई दुई समूहमा विभाजन गरेर नकआउटको आधारमा प्रतिष्पर्धा गराइएको छ । प्रतियोगिताको विजेताले ५० हजार, उपविजेताले ३० हजार, उत्कृष्ट खेलाडीले १० हजार, उत्कृष्ट बलर, उत्कृष्ट फिल्डर, उत्कृष्ट ब्याट्सम्यानले समान ५ हजार रुपैयाँ पाउनेछन् । प्रत्येक खेलको प्लेयर अफ द म्याचले १ हजार पुरस्कार प्राप्त गर्नेछन् ।

प्रकाशित मिति: बिहीबार, पुस १९, २०८० १८:५५

प्रतिक्रिया दिनुहोस्