किशोरसिंह राठौर यु–१६ कप क्रिकेटको उपाधि मंगलप्रसाद माविलाई

खेलकुद

गृहपृष्ठ
खेलकुद
किशोरसिंह राठौर यु–१६ कप क्रिकेटको उपाधि मंगलप्रसाद माविलाई

किशोरसिंह राठौर यु–१६ कप क्रिकेटको उपाधि मंगलप्रसाद माविलाई

बुधबार, पुस २५, २०८० बागेश्वरी पोस्ट

नेपालगञ्ज । मंगलप्रसाद माविले प्रथम किशोरसिंह राठौर यु–१६ कप क्रिकेट प्रतियोगिताको उपाधि जितेको छ । घरेलु मैदानमा मंगलप्रसाद माविले नेपालगञ्ज मोडेल एकेडेमीलाई ४ विकेटले हराउँदै उपाधि जितेको हो ।

बुधबार टस जितेर सुरुआतमा ब्याटिङ गरेको नेपालगञ्ज मोडेलले २० ओभरमा ९ विकेटको क्षतिमा १ सय १७ रन बनाएको थियो । टोलीका लागि सुमित विष्टले २४ रन, विवेक पुन मगरले १५ रन र रोजिन पुन मगरले १३ रन बनाए ।

मंगलका अजय केवट र समिर कसगरले २–२ विकेट लिए। फरहान खानले १ विकेट लिएका थिए । १ सय १८ रनको विजयी लक्ष्य मंगलप्रसादले १७ ओभरमा ६ विकेटको नोक्सानीमा पूरा गरेको थियो । प्लेयर अफ द फाइनल फरहान शेखले २९ रन, अबु सहिमा शेखले २० रन र अजय केवटले ११ रनको योगदान गरेका थिए । नेपालगञ्ज मोडेलका सुमित विष्टले २ विकेट, निश्चल पुन र रियाजुद्धिन खानले १–१ विकेट लिए ।

प्रतियोगितामा आइडियल पब्लिक स्कुलका समिर अन्सारी प्लेयर अफ द टुर्नामेन्ट र उत्कृष्ट बलर घोषित भएका छन् । मंगलप्रसाद उच्च माविका साहिल शेख उत्कृष्ट ब्याटसम्यान, मंगलकै अबु सहिमा शेख उत्कृष्ट फिल्डरको रुपमा पुरस्कृत भए ।

विजयी खेलाडीलाई नेपाली कांग्रेसका सह–महामन्त्री किशोरसिंह राठौंर, लुम्बिनी प्रदेश सभासद माया पुन, सन्जु चौधरी, मिना सिद्धिकी, सुशिला नेपाली, लुम्बिनी प्रदेशका पूर्व सांसद याकुब अन्सारी, जानकी गाउँपालिका अध्यक्ष छब्बन खाँ, खजुरा गाउँपालिका उपाध्यक्ष मन्जु मल्ल, बाँके जिल्ला खेलकुद विकास समिति अध्यक्ष सन्दिपजंग शाह, आयोजक ज्योति स्पोर्ट्स एकेडेमीका अध्यक्ष सिद्धान्तजंग शाही लगायतले पुरस्कृत गरेका थिए ।

ज्योति स्पोर्ट्स एकेडेमीले आयोजना गरेको प्रतियोगितामा बाँकेका १६ विद्यालयको टिमले सहभागिता जनाएका थिए । प्रतियोगिताको समूह ‘ए’ मा जिभिएन, एबिसी, ड्रिमल्यान्ड, सेन्ट जेभिर्यस, फुल्टेक्रा मावि, श्रीचन्द्र मेवालाल र मंगलप्रसाद मावि रहेका थिए ।

यसैगरी समूह ‘बी’ मा सिद्धार्थ विद्या सदन, जय बागेश्वरी मावि, ब्राइटल्यान्ड, नेपालगञ्ज मोडेल एकेडेमी, पशुपति हाइस्कुल, आदर्श, मोडर्न, महेन्द्र र आइडियल पब्लिक थिए । विजेताले ५० हजार, उपविजेताले ३० हजार, उत्कृष्ट खेलाडीले १० हजार, उत्कृष्ट वलर, उत्कृष्ट फिल्डर, उत्कृष्ट ब्याट्सम्यानले नगद पुरस्कार पाए ।

प्रकाशित मिति: बुधबार, पुस २५, २०८० १९:१९

प्रतिक्रिया दिनुहोस्