खजुरामा आइतबारदेखि छैठौं अन्तर विद्यालय मेयर रनिङ शिल्ड हुँदै

खेलकुद

गृहपृष्ठ
खेलकुद
खजुरामा आइतबारदेखि छैठौं अन्तर विद्यालय मेयर रनिङ शिल्ड हुँदै

खजुरामा आइतबारदेखि छैठौं अन्तर विद्यालय मेयर रनिङ शिल्ड हुँदै

शुक्रबार, माघ ५, २०८० बागेश्वरी पोस्ट

नेपालगञ्ज । बाँकेको खजुरामा आइतबारदेखि पालिका स्तरीय छैठौं अन्तर विद्यालय मेयर रनिङ शिल्ड खेलकुद प्रतियोगिता हुने भएको छ । खजुरा गाउँपालिका खेलकुद विकास समिति बाँकेको आयोजना, जनता नमुना माध्यमिक विद्यालयको संचालन तथा व्यवस्थापनमा प्रतियोगिता हुन लागेको हो ।

माघ ७ देखि १० गतेसम्म चल्ने प्रतियोगिताको खेलहरु शुक्र भलिबल स्टेडियममा हुनेछन् । प्रतियोगिताको तयारी करिब अन्तिम चरणमा पुगेको आयोजक खजुरा गाउँपालिका खेलकुद विकास समितिका अध्यक्ष छवि विष्टले बताए ।

पालिका स्तरीय छैठौं अन्तर विद्यालय मेयर रनिङ शिल्ड खेलकुद प्रतियोगितामा मावि तह (कक्षा ९–१२) मा १५ खेल, आधारभूत तह (कक्षा ६–८) मा ५ खेल र आधारभूत तह (कक्षा १–५) मा ३ खेल समावेश गरिएको विष्टले जानकारी दिए । मावि तहमा भलिबल, कबड्डी, चेस र एथलेटिक्सका खेलहरु समावेश गरिएको छ । एथलेटिक्सको ट्रयाक अन्तर्गत १०० सय मिटर, २०० मिटर, ४०० मिटर, ८०० मिटर र ३००० मिटर, ४ गुणा १०० र ४ गुणा ४०० मिटर रिले दौड समावेश गरिएको छ । फिल्डतर्फ हाइजम्प, लङजम्प, ट्रिपल जम्प, ज्याभलिङ थ्रो, सटपट खेलमा विद्यार्थीहरुले प्रतिष्पर्धा गर्नेछन् ।

आधारभूत तह (कक्षा ५–६) मा एथलेक्सको १०० मिटर, ४ गुणा १०० मिटर र ८०० मिटर दौड, फिल्डमा लङजम्प र सटपट खेल समावेश गरिएको छ । आधारभूत तह (कक्षा १–५) सम्म ४ गुणा ५० मिटर रिले, १०० मिटर दौड, लङजम्पमा प्रतिष्पर्धा हुने आयोजकले बताएको छ । यसैगरी चेस प्रतियोगितामा खजुरा गाउँपालिकाभित्र रहेका विद्यालयहरुबाट एक–एक जना छात्र–छात्राहरुको सहभागिता रहनेछ ।

खजुरा गाउँपालिकाको आयोजनामा हुन लागेको प्रतियोगिता पहिलोपटक शुक्र भलिबल स्टेडियममा हुन लागेको हो । यसअघि व्यवस्थापन गर्ने विद्यालयमा प्रतियोगिता आयोजना हुँदै आएको थियो । यस पटक प्रतियोगितामा पालिकाभित्र रहेका निजी तथा संस्थागत गरी करिब ७० विद्यालयहरुको सहभागिता रहने आयोजकले बताएको छ ।

प्रकाशित मिति: शुक्रबार, माघ ५, २०८० १८:२०

प्रतिक्रिया दिनुहोस्