नेपालगञ्जमा छैटौंं राष्ट्रपति रनिङ शिल्ड छनौट तथा मेयर कप खेलकुद सुरु

खेलकुद

गृहपृष्ठ
खेलकुद
नेपालगञ्जमा छैटौंं राष्ट्रपति रनिङ शिल्ड छनौट तथा मेयर कप खेलकुद सुरु

नेपालगञ्जमा छैटौंं राष्ट्रपति रनिङ शिल्ड छनौट तथा मेयर कप खेलकुद सुरु

मार्च पासमा सगरमाथा इंग्लिश स्कूल प्रथम

आइतबार, माघ ७, २०८० बागेश्वरी पोस्ट

नेपालगञ्ज । नेपालगञ्जमा आजदेखि छैटौंं विद्यालय स्तरीय राष्ट्रपति रनिङ शिल्ड छनौट तथा मेयर कप खेलकुद प्रतियोगिता सुरु भएको छ । तीन दिनसम्म चल्ने प्रतियोगिता नेपालगञ्जस्थित मंगलप्रसाद माविको खेल मैदानमा आयोजना गरिएको छ । प्रतियोगिताको लुम्बिनी प्रदेश सरकारकी सहरी विकास मन्त्री कृष्णा केसी नमुनाले उद्घाटन गरिन् ।

उद्घाटन समारोहलाई सम्बोधन गर्दै मन्त्री नमुनाले मानिसको शारीरिक र मानसिक विकासका लागि खेलकुद महत्वपूर्ण कडी भएको बताउँदै विद्यालयस्तरमा हुने यस्ता खाले प्रतियोगिताले खेलाडी उत्पादनमा टेवा पुर्याउने बताइन् । उद्घाटन समारोहको सभाध्यक्षता ग्रहण गरेका नगर प्रमुख प्रशान्त विष्टले खेलकुद अनुशासन, संस्कार र बृत्ति विकासको आधार भएको बताए ।

उद्घाटन कार्यक्रममा लुम्बिनी प्रदेशसभा सदस्य बादशाह कुर्मी, प्रमुख जिल्ला अधिकारी श्रवणकुमार पोखरेल लगायतले सम्बोधन गरेका थिए । नेपालगञ्ज उपमहानगरपालिकाका शिक्षा महाशाखा प्रमुख गोर्खबहादुर थापाले स्वागत मन्तब्य ब्यक्त गरेको कार्यक्रममा प्रमुख अतिथि नमुना र सभाध्यक्ष विष्टलाई विभिन्न विद्यालयका विद्यार्थीहरुले मार्चपास गर्दै सलामी अर्पण गरेका थिए ।

नेपालगञ्ज उपमहानगरपालिकाको आयोजना एवम् प्याब्सन नेपालगञ्जको व्यवस्थापनमा सञ्चालन भएको प्रतियोगितामा नगरभित्रका ४२ वटा विद्यालयले सहभागिता जनाएका छन् । प्रतियोगिता उद्घाटन अघि आज विहान नगरमा प्रभातफेरि निकालिएको थियो । प्रभातफेरिमा महिलाहरुले पञ्जेबाजा समेत बजाएका थिए । विभिन्न विद्यालयका विद्यार्थी सम्मिलित प्रभातफेरिमा नगर प्रमुख विष्ट, शिक्षा महाशाखा प्रमुख थापा लगायत आयोजक, व्यवस्थापक, शिक्षक र सरोकारवाला सहभागी थिए ।

यसैबीच मार्च पासमा सगरमाथा इंग्लिश स्कूल प्रथम, जय बागेश्वरी र जिभिएन द्वितीय र नेरा मावि कण्ठीपुर तृतीय भएको प्याब्सन जिल्ला सदस्य प्रविण गिरीले जानकारी दिए ।

May be an image of 3 people and text

May be an image of 4 people

May be an image of crowd May be an image of 1 person and crowd May be an image of 8 people, clarinet and text May be an image of 3 people, temple and text May be an image of 4 people, temple and text May be an image of 6 people, temple, dais and text May be an image of 11 people and text May be an image of 9 people and text May be an image of 10 people