खजुरामा छैठौं अन्तर विद्यालय मेयर रनिङ शिल्ड सुरु

खेलकुद

गृहपृष्ठ
खेलकुद
खजुरामा छैठौं अन्तर विद्यालय मेयर रनिङ शिल्ड सुरु

खजुरामा छैठौं अन्तर विद्यालय मेयर रनिङ शिल्ड सुरु

आइतबार, माघ ७, २०८० बागेश्वरी पोस्ट

नेपालगञ्ज । बाँकेको खजुरामा आजदेखि पालिका स्तरीय छैठौं अन्तर विद्यालय मेयर रनिङ शिल्ड खेलकुद प्रतियोगिता सुरु भएको छ ।
आज एक समारोहका बीच संघीय सांसद एवम् नेपाली कांग्रेस सह–महामन्त्री किशोर सिंह राठौरले प्रतियोगिताको उद्घाटन गरे । गाउँपालिका अध्यक्ष डम्बरबहादुर विक तुफानको अध्यक्षतामा भएको रनिङ शिल्ड खेलकुद प्रतियोगिताको उद्घाटन समारोहमा लुम्बिनी प्रदेश सांसद एवम् संविधानसभा सदस्य बादशाह कुर्मी र प्रदेश सांसद रत्न खत्री सहभागी थिए । उद्घाटन समारोहमा खजुरा गाउँपालिका उपाध्यक्ष मञ्जु मल्लले स्वागत मन्तव्य ब्यक्त गरेकी थिइन् ।

उद्घाटन समारोहलाई सम्बोधन गर्दै राठौरले खजुराको विकासका निम्ति आफू इमान्दार भएर लागिरहेको बताए । उनले भने, ‘यस क्षेत्रका जनतालाई म धन्यवाद दिन चाहन्छु । मलाई विश्वास गरेर विजयी गराउनुभएको छ । म तपाईंहरुको विश्वासलाई टुट्न दिनेछैन । यस क्षेत्रको शिक्षा, स्वास्थ्य, खानेपानी र भौतिक पुर्वाधारको विकासको लागि काम गरिरहेको छु ।’ प्रदेश सांसद कुर्मी र खत्रीले खजुरा क्षेत्र खेलकुदको क्षेत्रमा उर्वरी क्षेत्र भएको भन्दै खजुराको विकासका लागि सहकार्य गरेर काम गर्ने बताए ।

खजुरा गाउँपालिका वडा नम्बर २ स्थित शुक्र भलिबल रंगशालामा भइरहेको प्रतियोगिता माघ १० गतेसम्म चल्नेछ । प्रतियोगितामा खजुरा गाउँपालिकाभित्र रहेका निजी तथा सामुदायिक गरी ७९ विद्यालयका १ हजार ३ सय ४ जना विद्यार्थीहरुको सहभागिता रहेको छ । खजुरा गाउँपालिका खेलकुद विकास समिति बाँकेको आयोजना, जनता नमुना माध्यमिक विद्यालयको संचालन तथा व्यवस्थापनमा प्रतियोगिता भएको हो ।

प्रकाशित मिति: आइतबार, माघ ७, २०८० २०:२५

प्रतिक्रिया दिनुहोस्