मेयर कप फुटबल सुरु: बागेश्वरी एकेडेमीको विजयी सुरुवात

खेलकुद

गृहपृष्ठ
खेलकुद
मेयर कप फुटबल सुरु: बागेश्वरी एकेडेमीको विजयी सुरुवात

मेयर कप फुटबल सुरु: बागेश्वरी एकेडेमीको विजयी सुरुवात

शनिबार, माघ १३, २०८० बागेश्वरी पोस्ट

नेपालगन्ज । बागेश्वरी एकेडेमी कोहलपुरले मेयर कप अन्तर विद्यालय छात्र-छात्रा फुटबल प्रतियोगितामा विजयी सुरुवात गरेको छ ।

नेपालगन्ज धम्बोझीमा आजदेखि सुरु भएको प्रतियोगिताको उद्घाटन खेलमा बागेश्वरीले डिफेन्डिङ च्याम्पियन पशुपति मावि राँझालाई २-० ले पराजित गरेको छ । विजेता बागेश्वरीका लागि दुबै गोल सुदिप थापाले गरेका थिए । थापाले खेलको १८औं मिनेट र ७२औं मिनेटमा गोल गरे । खेलमा म्यान अफ द म्याच भएका सुदिपलाई नेपालगन्ज उप-महानगरपालिका वडा नम्बर १ अध्यक्ष प्रमोद रिजालले पुरस्कृत गरे ।

आज एक समारोहका बीच नेपालगन्ज उप-महानगरपालिकाका कार्यबहाक मेयर कमरुद्दिन राईले प्रतियोगिताको उद्घाटन गरेका थिए । आयोजक बाँके जिल्ला फुटबल संघका अध्यक्ष एवम् अखिल नेपाल फुटबल संघका केन्द्रिय सदस्य भोजराज शाहीको अध्यक्षतामा भएको उद्घाटन कार्यक्रममा नेपालगन्ज उप-महानगरपालिका वडा नम्बर १ अध्यक्ष रिजाल, लुम्बिनी प्रदेश फुटबल संघका सदस्य मोहन थापा, प्रतियोगिता संयोजक एवम बाँके जिल्ला फुटबल संघका उपाध्यक्ष निर्मल चन्द, उपाध्यक्ष अनिल केसी, टोपेन्द्र खत्री लगायतको उपस्थिति रहेको थियो ।

प्रकाशित मिति: शनिबार, माघ १३, २०८० १८:५१

प्रतिक्रिया दिनुहोस्