दिनदिनै चिसो बढ्दै गएपछि नेपालगञ्जका विद्यालयमा पुनः जाडो विदा

शिक्षा

गृहपृष्ठ
शिक्षा
दिनदिनै चिसो बढ्दै गएपछि नेपालगञ्जका विद्यालयमा पुनः जाडो विदा

दिनदिनै चिसो बढ्दै गएपछि नेपालगञ्जका विद्यालयमा पुनः जाडो विदा

आइतबार, माघ १४, २०८० बागेश्वरी पोस्ट

नेपालगञ्ज । निरन्तर शीतलहर चलेर चिसो अत्याधिक बढेपछि नेपालगन्जका विद्यालयरुमा पुनः जाडो विदा दिइएको छ ।

अत्याधिक जाडो तथा शीतलहरको प्रकोपले बालबालिकाको स्वास्थ्यमा प्रतिकूल असर पर्ने देखिएपछि माघ १५ र १६ गते दुई दिन नेपालगन्ज उपमहानगरपालिका क्षेत्र भित्रका सम्पूर्ण सामुदायिक, धार्मिक र संस्थागत विद्यालयहरुमा जाडो विदा दिइएको शिक्षा महाशाखा प्रमुख गोर्खबहादुर थापाले बताए ।

यसअघि माघ ४ गतेदेखि ८ गतेसम्म पनि विद्यालयहरुमा जाडो विदा दिइएको थियो । तर, मौसममा सुधार नभएपछि फेरि विदा दिइएको छ । बाँकेमा एक महिनादेखि निरन्तर शीतलहर चलेपछि जनजीवन नराम्ररी प्रभावित भएको छ ।

प्रकाशित मिति: आइतबार, माघ १४, २०८० १३:३२