मेयर कप फुटबलः बाल बिद्या मन्दिर र कृष्ण मावि कोहलपुर विजयी

खेलकुद

गृहपृष्ठ
खेलकुद
मेयर कप फुटबलः बाल बिद्या मन्दिर र कृष्ण मावि कोहलपुर विजयी

मेयर कप फुटबलः बाल बिद्या मन्दिर र कृष्ण मावि कोहलपुर विजयी

बुधबार, माघ १७, २०८० बागेश्वरी पोस्ट

नेपालगञ्ज । बाल बिद्या मन्दिर कोहलपुर र कृष्ण मावि कोहलपुरले मेयर कप अन्तर विद्यालय छात्र–छात्रा फुटबल प्रतियोगिताको आज भएको खेलमा सहज जीत हासिल गरेका छन् । नेपालगञ्ज उपमहानगरपालिका वडा नम्बर १ स्थित एन्फा ग्रासरुट टे«निङ सेन्टरमा भएको खेलमा बाल विद्याले नेपालगञ्जको ब्राइटल्याण्ड कलेजलाई ८–२ ले पराजित गरेको छ ।

बाल विद्याको जीतमा बिपिन सिंजालीले जारी प्रतियोगितामा व्यक्तिगत सर्वाधिक ६ गोल गरे । उनले १०, १२, १८, २७, ३३ र ५८औं मिनेटमा गोल गरेका थिए । सन्देश न्यौपानेले २ र ४५औं मिनेटमा गोल गरे । ब्राइटल्याण्डका लागि अमित बुढाथोकीले २२औं र ४०औं मिनेटमा गोल गरे । उक्त खेलमा बाल विद्याका बिपिन म्यान अफ द म्याच घोषित भए । उनलाई महिला उद्यमी संघ नेपाल बाँके अध्यक्ष एवम् सिटी कलेज अफ म्यानेजमेन्टको संचालक साबित्रा पोखरेल वस्नेतले पुरस्कृत गरिन् ।

यसैगरी अर्को खेलमा कृष्ण माविले नेपालगञ्जको सनविम स्कुललाई ८–० ले हरायो । सनविमको जीतमा निर्मल परियार र कृष्ण श्रेष्ठले २–२ गोल गरे । कृष्णले ५० र ५९ औं मिनेटमा गरेका थिए । कृष्णले २७ र ४१औं मिनेटमा गोल गरे । संगित परियार, नविन विक, विशाल बारघरे र धिरज गुरुङले १–१ गोल गरे । विशालले ९औं मिनेट, नविनले ३२औं मिनेट, संगितले ३६औं मिनेट र धिरजले ४६औं मिनेटमा गोल गरे । उक्त खेलमा कृष्ण माविका कृष्ण म्यान अफ द म्याच घोषित भए । उनलाई जिल्ला खेलकुद विकास समिति बाँकेका अध्यक्ष सन्दिपजंग शाहले पुरस्कृत गरे ।

प्रतियोगिता अन्तर्गत भोलिको पहिलो खेलमा जय बागेश्वरी स्कुल नेपालगञ्ज र बागेश्वरी एकेडेमी कोहलपुर (विहान १०ः३० बजे), दोस्रो खेल सेन्ट थोमस र ग्रीनपीस मावि (दिउँसो १२ः३० बजे), तेस्रो खेल नेपालगञ्ज मोडेल एकेडेमी र मोडर्न पब्लिक स्कुल (दिउँसो १ः३०) र चौथो खेल लक्ष्मी मावि बर्दहवा र ड्रिमल्याण्ड स्कुल राँझाबीच (दिउँसो २ः३० बजे) हुने प्रतियोगिता संयोजक निर्मल चन्दले बताए ।

बाँके जिल्ला फुटबल संघको आयोजना र नेपालगञ्ज उपमहानगरपालिकाको सहयोगमा भइरहेको प्रतियोगितामा २८ छात्र टिमको सहभागिता रहेको छ ।

प्रकाशित मिति: बुधबार, माघ १७, २०८० २०:०१

प्रतिक्रिया दिनुहोस्