बाग्मती स्पोर्ट्स क्लब नवौं डाँफे कप फुटबलको फाइनलमा

खेलकुद

गृहपृष्ठ
खेलकुद
बाग्मती स्पोर्ट्स क्लब नवौं डाँफे कप फुटबलको फाइनलमा

बाग्मती स्पोर्ट्स क्लब नवौं डाँफे कप फुटबलको फाइनलमा

आइतबार, माघ २१, २०८० बागेश्वरी पोस्ट

नेपालगञ्ज । बाँकेको खजुरामा जारी नवौं डाँफे कप नक आउट फुटबल खेल प्रतियोगिताको पहिलो सेमीफाइनल खेलमा आयोजक टिमलाई हराउँदै बाग्मती स्पोर्ट्स क्लब फाइलन प्रवेश गरेको छ । आज खजुराको मिनी रंगशाला मैदानमा भएको खेलमा न्यू डाँफेलाई २–१ गोल अन्तरले हराउँदै बाग्मती स्पोर्ट्स क्लबले फाइनलको यात्रा तय गरेको हो ।

८औं डाँफे कपको उपाधि जितिसकेको बाग्मती स्पोर्ट्स क्लबले खेलको ९ मिनेटमा श्याम ब्यादीको गोलमा अग्रता लिएको थियो । पहिलो गोल गरेर खेललाई दवावमा पारेको बाग्मतीविरुद्ध न्यु डाँफेका खेलाडी ओम प्रकाश चौधरीले २२औं मिनेटमा गोल गरी बराबरीमा ल्याए । पुनः खेलको ३३ मिनेटमा बाग्मती स्पोर्ट्स क्लबका अर्का खेलाडी विमल क्षेत्रीले गोल गरेका थिए । विमलले गरेको गोल नै खेलको अन्तिम र निर्णायक गोल बन्न पुग्यो ।

खेलको म्यान अफ द म्याच बाग्मती स्पोर्ट्स क्लबका गोल किपर सुदिप शाही बने । प्रचार संयोजक खगेन्द्र दाहालका अनुसार म्यान अफ द म्याच घोषित खेलाडी गोल किपर शाहीले नेपालगञ्जमा रहेको थोपा प्रयोगशालाको तर्फबाट नगद ११ सय प्राप्त गरे । म्यान अफ द म्याच थोपालाई प्रयोगशालाका सुलभ आचार्यले पुरस्कार प्रदान गरेका थिए ।

खेल संयोजक तिलकविर सुनारका अनुसार भोलि दोस्रो सेमीफाइनल खेल न्यु दर्पण स्पोर्ट्स क्लब र रेसिङ्ग साहाराबीच हुनेछ । माघ १५ गतेदेखि सञ्चालनमा रहेको नवौं डाँफे कप नक आउट फुटबल खेल प्रतियोगिताको फाइनल माघ २३ गते हुनेछ । न्यु डाँफे स्पोर्ट्स क्लबका अध्यक्ष हरि प्रकाश विकका अनुसार नवौं डाँफे कप नक आउट फुटबल खेल प्रतियोगिताको विजेता टिमले नगद १ लाख ५५ हजार ५ सय ५५ रुपैयाँ नगद पाउनेछ । उपविजेता टिमलाई ८५ हजार ५ सय ५५ दिइनेछ । प्रतियोगितामा १४ टिमले भाग लिएका छन् ।

प्रकाशित मिति: आइतबार, माघ २१, २०८० २०:१९