सन् २०२६ विश्वकप फुटबल: उद्घाटन मेक्सिकोमा र समापन अमेरिकामा

खेलकुद

गृहपृष्ठ
खेलकुद
सन् २०२६ विश्वकप फुटबल: उद्घाटन मेक्सिकोमा र समापन अमेरिकामा

सन् २०२६ विश्वकप फुटबल: उद्घाटन मेक्सिकोमा र समापन अमेरिकामा

सोमबार, माघ २२, २०८० बागेश्वरी पोस्ट

नेपालगन्ज । फिफाले अमेरिका, क्यानडा र मेक्सिकोमा आयोजना हुन लागेको सन् २०२६ विश्वकप फुटबलको खेल तालिका सार्वजनिक गरेको छ ।

फिफाद्वारा सार्वजनिक गरिएको खेल तालिकामा सन् २०२६ विश्वकपको उद्घाटन खेल मेक्सिकोमा हुनेछ । विश्वकपको उद्घाटन खेल ११ जुनमा मेक्सिकोमा हुनेछ भने समापन (फाइनल) खेल १९ जुलाइमा अमेरिकाको न्यु जर्सीमा हुनेछ ।

यसअघिका विश्वकपमा ३२ राष्ट्र सहभागी हुँदै आएकोमा आगामी सन् २०२६ विश्वकपमा ४८ राष्ट्रले प्रतिस्पर्धा गर्दैछन् ।

यस विश्वकपमा कुल १२ समूहका शीर्ष दुई टिम र तेस्रो स्थानमा रहने उत्कृष्ट ८ टिम गरी ३२ टिम दोस्रो चरणमा प्रवेश गर्नेछन् । सन् २०२६ विश्वकपमा उत्तर अमेरिका र दक्षिण अमेरिकाबाट ६-६ राष्ट्र, ओसियानाबाट १, युरोपबाट १६ राष्ट्र, अफ्रिकाबाट ९ राष्ट्र र एसियाबाट ८ गरी ४६ राष्ट्रले क्षेत्रीय प्रतिस्पर्धाबाट छनौट हुनेछन् भने अन्य बाँकी २ राष्ट्र अन्तरमहादेशीय प्लेअफबाट युरोप बाहेक अरु क्षेत्रका लागि छनोट हुनेछन् ।

यसअघिको विश्वकप फुटबल एसियाली राष्ट्र कतारमा आयोजना गरिएको थियो ।

प्रकाशित मिति: सोमबार, माघ २२, २०८० ११:२९

प्रतिक्रिया दिनुहोस्