जानकीमा राष्ट्रपति रनिङ शिल्ड छनौट तथा अध्यक्ष कप खेलकुद सुरु

खेलकुद

गृहपृष्ठ
खेलकुद
जानकीमा राष्ट्रपति रनिङ शिल्ड छनौट तथा अध्यक्ष कप खेलकुद सुरु

जानकीमा राष्ट्रपति रनिङ शिल्ड छनौट तथा अध्यक्ष कप खेलकुद सुरु

सोमबार, माघ २२, २०८० बागेश्वरी पोस्ट

नेपालगन्ज । बाँकेको जानकी गाउँपालिकामा विद्यालय स्तरीय राष्ट्रपति रनिङ शिल्ड छनौट तथा अध्यक्ष कप खेलकुद प्रतियोगिता आजदेखि सुरु भएको छ । तीन दिनसम्म चल्ने प्रतियोगिता मानपुरस्थित कन्या आधारभूत विद्यालयको खेल मैदानमा आयोजना गरिएको छ । प्रतियोगिताको उद्घाटन संघीय सांसद किशोरसिंह राठोर र पालिका अध्यक्ष छब्बन खाँले संयुक्तरूपमा गरे ।

उद्घाटन समारोहलाई सम्बोधन गर्दै सांसद राठोरले विद्यार्थीहरुको पहिलो दायित्व भनेको पढ्नुपर्ने रहेको बताउँदै शरीर र मस्तिस्कलाई स्वस्थ राख्न खेलकुद महत्वपूर्ण कडी भएको बताए । उनले विद्यालय स्तरमा हुने यस्ता खाले प्रतियोगिताले खेलाडी उत्पादनमा समेत टेवा पुर्याउने बताए ।

गाउँपालिका अध्यक्ष खाँले शिक्षा र खेलकुद विकासको लागि गाउँपालिकाबाट हुने सहयोगमा कुनै पनि कसर नराख्ने बताए । उद्घाटन कार्यक्रमलाई लुम्बिनी प्रदेशसभा सदस्य बादशाह कुर्मीले पनि सम्बोधन गरेका थिए ।

जानकी गाउँपालिकाका शिक्षा शाखा प्रमुख कृष्णाकुमारी भण्डारीले स्वागत मन्तब्य ब्यक्त गरेको कार्यक्रममा सभाध्यक्ष खाँलाई विभिन्न विद्यालयका विद्यार्थीहरुले मार्चपास गर्दै सलामी अर्पण गरेका थिए ।

कार्यक्रममा गाउँपालिकाकी उपाध्यक्ष रामप्यारी यादव, प्रमुख प्रशासकीय अधिकृत दिलबहादुर पौडेल, वडा नम्बर ३ का वडा अध्यक्ष राजकुमार कुर्मी, वडा नम्बर ४ का वडा अध्यक्ष रमेशकुमार बर्मा, ५ का वडा अध्यक्ष टिकानाथ यादव, ६ का जगदिशप्रसाद हरिजन, सामाजिक विकास समितिका संयोजक रामआचल धोवी, कार्यपालिका सदस्यहरु, गाउँपालिकाका विभिन्न शाखा प्रमुखहरु, विभिन्न राजनीतिक दलका प्रतिनिधिहरुको सहभागिता रहेको थियो ।

प्रकाशित मिति: सोमबार, माघ २२, २०८० १७:०७

प्रतिक्रिया दिनुहोस्