कोहलपुर मेयर–११ र सुदूरपश्चिम फाइनलमा भिड्ने

खेलकुद

गृहपृष्ठ
खेलकुद
कोहलपुर मेयर–११ र सुदूरपश्चिम फाइनलमा भिड्ने

कोहलपुर मेयर–११ र सुदूरपश्चिम फाइनलमा भिड्ने

बुधबार, फागुन २, २०८० बागेश्वरी पोस्ट

नेपालगञ्ज । सुदूरपश्चिम प्रदेश र कोहलपुर मेयर–११ बाँकेको कोहलपुरमा जारी सुशील कोइराला मेमोरियल यु–१९ राष्ट्रिय महिला क्रिकेट प्रतियोगिताको फाइनलमा पुगेका छन् । उपाधिको लागि भोलि सुदूरपश्चिम र कोहलपुर मेयर–११ बीचको खेल कोहलपुर क्रिकेट मैदानमा बिहान १० बजे हुनेछ । प्रतियोगिता अन्तर्गत आज सम्पन्न दुई खेलमा सुदूरपश्चिम प्रदेश र कोहलपुर मेयर–११ विजयी भए । सुदूरपश्चिमले लुम्बिनी प्रदेशलाई तथा कोहलपुर मेयर–११ ले बागमती प्रदेशलाई पराजित गर्यो ।

कोहलपुर नगरपालिकाद्वारा आयोजित प्रतियोगिताको लिग चरणको सबै खेल समाप्त हुँदा सबै चार खेल जित्दै ८ अंकसहित कोहलपुर मेयर–११ अंकतालिकाको शीर्ष स्थानमा रहेर फाइनलमा स्थान पक्का गर्यो । सुदूरपश्चिम प्रदेश, गण्डकी प्रदेश र बागमती प्रदेशको समान ४ अंक रहेता पनि नेट रन रेटमा अघि रहँदै सुदूरपश्चिम अंकतालिकाको दोश्रो स्थानमा रहेर फाइनल प्रवेश गर्यो । सुदूरपश्चिमको नेट रन रेट ०.०६६१, गण्डकीको ०.३१५ र बागमतीको –०.४९२ रह्यो ।

प्रकाशित मिति: बुधबार, फागुन २, २०८० १९:५९

प्रतिक्रिया दिनुहोस्