नामिबियाविरुद्ध नेपालले कमजोर प्रदर्शन गर्दै दियो १६९ रनको लक्ष्य

खेलकुद

गृहपृष्ठ
खेलकुद
नामिबियाविरुद्ध नेपालले कमजोर प्रदर्शन गर्दै दियो १६९ रनको लक्ष्य

नामिबियाविरुद्ध नेपालले कमजोर प्रदर्शन गर्दै दियो १६९ रनको लक्ष्य

बुधबार, फागुन ९, २०८० बागेश्वरी पोस्ट

काठमाडौँ । नेपालले आइसीसी क्रिकेट विश्वकप लिग–२ मा फेरि पनि नामिबियासँग कमजोर प्रदर्शन गर्दै १६९ रनको लक्ष्य पेस गरेको छ ।

पहिलो खेलमा नामिबिया विरुद्धको प्रदर्शन भन्दा केही सुधार गरेको भए पनि नेपालले दोस्रो खेलमा ठूलो स्कोर बनाउन सकेन । नेपाल १६८ रनमै अलआउट भयो ।

प्रतिकूल मौसमबीच कीर्तिपुर मैदानमा नेपालले टस हारेर पहिले ब्याटिङ गर्दै ३७.१ ओभरमा अलआउट हुँदै १६८ रनमा समेटिएको हो । ४३ रन जोड्दा ३ विकेट गुमाएर दबाबमा आएको नेपालका लागि आसिफ शेखले अर्धशतक बनाएका छन् । उनी ६४ बलमा १ छक्का र ८ चौकाको मद्दतले ५८ रन बनाएर आउट भए ।

आसिफको यो एक दिवसीयमा १२ औँ अर्धशतक हो । पहिले दबाबमा भए पनि आसिफलाई कुशल मल्लले साथ दिएसँगै नेपाल सुधारोन्मुख स्थितिमा रहेको थियो ।

चौथो विकेटका लागि ५७ रनको समेत साझेदारी गर्ने क्रममा कुशलले ५२ बलमा ३६ रन जोडे । भीम शार्कीले ३६ बलमा २६ रन बनाए । कुशल भुर्तेलले १८ रन बनाए । करण केसीले १२ बलमा १२ रन बनाए । दीपेन्द्र सिंह ऐरीले १८ बलमा ६ रनमात्र बनाए । सोमपाल कामीले ४ रन बनाए ।

खेलमा कप्तान रोहित पौडेल, देव खनाल र अनिल शाहले रनको खाता नै खोल्न सकेनन् । ललित राजबंशी आउट नभए पनि ६ बल खेलेर रनको खाता खोल्न सकेनन् ।

यसअघि भएको पहिलो खेलमा नेपाल नामिबियासँग पराजित हुँदै लिग–२ मा खराब शुरुआत गरेको थियो ।

नेदरल्याण्ड्स समेत सहभागी प्रतियोगितामा नेपालले दोस्रो खेलमा नेदरल्याण्ड्समाथि कीर्तिमानी जित हासिल गरेसँगै समान दुई खेलबाट २ अंकसहित रनरेटमा नेपाल अगाडि छ ।

आजको खेलमा नामिबियालाई पराजित गर्न सके नेपाल स्पष्ट चार अंकसहित शीर्ष स्थानमा रहिरहनेछ । पहिलो खेलको हारको बदला लिन पनि नेपालले आज जित्नैपर्नेछ ।

प्रकाशित मिति: बुधबार, फागुन ९, २०८० १२:२३

प्रतिक्रिया दिनुहोस्