नेपाल आज त्रिकोणात्मक टी-२० सिरिजमा नामिबियासँग खेल्दै

खेलकुद

गृहपृष्ठ
खेलकुद
नेपाल आज त्रिकोणात्मक टी-२० सिरिजमा नामिबियासँग खेल्दै

नेपाल आज त्रिकोणात्मक टी-२० सिरिजमा नामिबियासँग खेल्दै

मंगलबार, फागुन १५, २०८० बागेश्वरी पोस्ट

काठमाडौं । त्रिकोणात्मक टी-२० सिरिज अन्तर्गत आज नेपाल र नामिबियाबीच पहिलो खेल हुँदैछ ।

टीयु क्रिकेट मैदानमा साढे ११ बजेदेखि सुरु हुने उक्त खेलमा नेपालका तर्फबाट रोहित पौडेल र नामिबियाबाट जेराल्ड इरास्मसले कप्तानी गर्नेछन् ।

आजबाट सुरु भएको टी-२० टोलीमा नेपालले केही खेलाडी परिवर्तन गर्दा नामिबियाले आईसीसी विश्वकप लिग-२ को टोलीलाई निरन्तरता दिएको छ । लिग २ का दुवै खेलमा ४ विकेट र २ विकेटले नेपाललाई हराएको नामिबिया मनोबल उच्च छ ।

नेपालका कुशल भुर्तेल, अनिल शाह, कुशल मल्ल र दीपेन्द्र सिंह ऐरी टी-२० का प्रमुख ब्याटर हुन् । यी चार खेलाडी प्रदर्शनमा टोलीको योगफल निर्धारण हुनेछ ।

उता कुशल मल्ल विष्फोटक ब्याटर हुन् । उनी चलेको खण्डमा नेपालले एकै ओभरमा खेललाई मोड्न सक्छ । अनिल राम्रो लयमा देखिंदै टोलीमा पुनरागमन गरेका छन् ।

दीपेन्द्र प्रमुख अलराउन्डर हुन् । पछिल्लो समय ग्लोबल टी-२० क्यानडा र इन्टरनेशनल लिग टी-२० यूएईको अनुभव बटुलेका छन् । नेपाली क्रिकेटका टाइगर भनिने उनी फिनिसरको रुपमा हुनेछन् । दीपेन्द्रले १३४४ रन बनाएका छन् । २५ विकेट पनि लिएका छन् । ब्याटिङ, बलिङ र फिल्डिङ तीनै क्षेत्रमा उनको योगदान महत्वपूर्ण हुनेछ ।

यस त्रिकोणात्मक टी-२० सिरिजमा नेपाल, नामिबिया र नेदरल्यान्ड्स छन् ।

प्रकाशित मिति: मंगलबार, फागुन १५, २०८० ०९:२८