टी-२० सिरिज: नेपाल आज नेदरल्यान्ड्ससंग खेल्दै

खेलकुद

गृहपृष्ठ
खेलकुद
टी-२० सिरिज: नेपाल आज नेदरल्यान्ड्ससंग खेल्दै

टी-२० सिरिज: नेपाल आज नेदरल्यान्ड्ससंग खेल्दै

बुधबार, फागुन १६, २०८० बागेश्वरी पोस्ट

काठमाडौँ । मंगलबारदेखि काठमाडौँमा सुरु भएको टी–२० आई त्रिकोणात्मक क्रिकेट श्रृंखलामा आज नेपाल र नेदरल्याण्ड्सबीच खेल हुँदैछ ।

पहिलो खेलमै नामिबियासँग २० रनले पराजित भएको नेपालले आज नेदरल्याण्ड्सलाई पराजित गर्नै पर्नेछ । कीर्तिपुरस्थित त्रिविविको मैदानमा आज बिहान साढे ११ बजे सुरु हुने खेलमा नेपालले आज राम्रो खेल्ने विश्वास लिइएको छ ।

पहिलो खेलमा पहिलो ब्याटिङ गर्दै नामिबियाले नेपाललाई दिएको २०७ रनको लक्ष्यलाई नेपालले १८.५ ओभरमा सबै विकेट गुमाएर १८६ रन मात्र बनाउन सक्यो । नेपालका लागि दिपेन्द्र सिंह ऐरीले ३२ बलमा ४८ रन बनाएका थिए ।

कप्तान रोहित पौडेलले २४ बलमा ४२, कुशल मल्लले २१ बलमा ३२ तथा सोमपाल कामीले ११ बलमा २६ रन बनाए । रुबेन ट्रम्पेलमानले सर्वाधिक ४ विकेट लिए ।

उक्त खेलमा नामिबियाका लागि जान निकोल लोफ्टि इटनले कीर्तिमानी शतक बनाए । उनले मात्र ३३ बलमा शतक पूरा गरेर नेपाली खेलाडी कुशल मल्लको नाममा रहेको ३४ बलमा बनाएको शतकको कीर्तिमान तोडेका हुन् ।

प्रकाशित मिति: बुधबार, फागुन १६, २०८० ०८:१७