नेपालगञ्ज सेन्ट जेभियर्स र कैलालीको गुरुकुल स्कुलबीच मैत्रीपूर्ण खेल हुँदै

खेलकुद

गृहपृष्ठ
खेलकुद
नेपालगञ्ज सेन्ट जेभियर्स र कैलालीको गुरुकुल स्कुलबीच मैत्रीपूर्ण खेल हुँदै

नेपालगञ्ज सेन्ट जेभियर्स र कैलालीको गुरुकुल स्कुलबीच मैत्रीपूर्ण खेल हुँदै

शुक्रबार, फागुन १८, २०८० बागेश्वरी पोस्ट

नेपालगञ्ज । बाँकेको नेपालगञ्ज सेन्ट जेभियस स्कुल र कैलालीको गुरुकुल इंग्लिश मिडियम स्कुलबीच शनिबार मैत्रीपूर्ण खेल हुने भएको छ । बाँके जिल्ला फुटबल संघको आयोजनामा डुडुवा गाउँपालिकाको कम्दीमा हुन लागेको मैत्रीपूर्ण खेल नव दुर्गा खेल मैदानमा हुनेछ ।

नेपालगञ्ज सेन्ट जेभियर्स स्कुल बाँके जिल्ला फुटबल संघले गत महिना आयोजना गरेको मेयर कप अन्तर विद्यालय छात्र फुटबलतर्फ बाँकेको च्याम्प्यिन टिम हो । कैलालीको गुरुकुल पनि मेयर कप फुटबलको पुर्व विजेता टोली हो । जुनियर स्तरका खेलाडीलाई अवसर र क्षमता अभिवद्धि गर्ने उद्देश्यले दुई जिल्लाका च्याम्पियन स्कुलबीच मैत्रीपूर्ण फुटबल आयोजना गर्न लागेको आयोजक बाँके जिल्ला फुटबल संघका अध्यक्ष भोजराज शाहीले बताए । उनले भने,‘हामीले दुई वर्षपछि बाँकेमा मेयर कप फुटबल गरेको थियौं । प्रतियोगिता निकै भव्यरुपमा सम्पन्न भयो । विद्यालयस्तरबाटै हो नयाँ प्रतिभावान खेलाडी उत्पादन हुने । मेयर कप फुटबल विजेतालाई थप अवसर प्रदान गर्नको लागि हामीले मैत्रीपूर्ण फुटबल गर्ने निर्णय गरेका हौं । यसमा सबैका साथ र सहयोगको अपेक्षा गरेका छौं ।’

दिउँसो १ बजे हुने भनिएको मैत्रीपूर्ण फुटबलको स्थानीय व्यवस्थापन डुडुवाको नव दुर्गा क्लबले गरेको छ । मैत्रीपूर्ण फुटबलले बाँके जिल्लाका खेलाडीहरुलाई नयाँ अवसर प्रदान गर्ने बाँके जिल्ला फुटबल संघका सदस्य तथा मैत्रीपूर्ण खेलको संयोजक दिपेन्द्र घलेले बताए । उनले भने, ‘मैत्रीपूर्ण खेलको सम्पूर्ण तयारी पूरा भएको छ । हामीले लामो समयपछि बाहिर जिल्लासँग मैत्रीपूर्ण फुटबल खेलिरहेका छौं । यसले बाँके जिल्लामा फुटबलको लोकप्रियतालाई बढाउन पनि सहयोग गर्नेछ ।’

प्रकाशित मिति: शुक्रबार, फागुन १८, २०८० २०:४५