फाइनल प्रवेशका लागि नेपाल आज नेदरल्यान्ड्सविरुद्ध खेल्दै

खेलकुद

गृहपृष्ठ
खेलकुद
फाइनल प्रवेशका लागि नेपाल आज नेदरल्यान्ड्सविरुद्ध खेल्दै

फाइनल प्रवेशका लागि नेपाल आज नेदरल्यान्ड्सविरुद्ध खेल्दै

शनिबार, फागुन १९, २०८० बागेश्वरी पोस्ट

काठमाडौँ । काठमाडौंमा जारी त्रिकोणात्मक टी-२० क्रिकेट सिरिजअन्तर्गत लिग चरणको नेपालले आज आफ्नो अन्तिम खेल नेदरल्याण्ड्ससंग खेल्दैछ ।

नेपाललाई फाइनलमा पुग्न यो खेलमा फराकिलो जित आवश्यक छ । नेपालको रन रेट त्यति राम्रो नभएको अवस्थामा नेपालले फाइनल प्रवेशको सम्भावना कायम राख्न फराकिलो जित आवश्यक परेको हो ।

श्रृंखलामा यसअघिका दुवै खेल जितेर नेदरल्याण्ड्स ४ अंकसहित शीर्ष स्थानमा छ । नेपाल ३ खेलबाट २ अंकसहित दोस्रो स्थानमा छ । नामिबिया ३ खेलबाट २ अंकसहित तेस्रो स्थानमा छ ।

नेदरल्याण्ड्सको रन रेट १.५२५ रहेको छ । नेपालको रन रेट माइनस ०.३१७ तथा नामिबियाको माइनस ०.७०० रहेको छ ।

यो अवस्थामा नेपालले फराकिलो जित हासिल गर्दा लिग चरणको अन्तिम खेलमा नेदरल्याण्ड्स र नामिबिया भिड्नु पूर्व नै नेपालले फाइनलमा स्थान सुरक्षित गर्नेछ ।

तर यदि नेपाल पराजित भएका खण्डमा वा झिनो जितले भने आइतबार हुने नेदरल्याण्ड्स र नामिबियाबीचको खेलको नतिजा कुर्नुपर्ने हुन्छ ।

कीर्तिपुरस्थित त्रिवि मैदानमा आज नेपाल र नेदरल्यान्ड्सबीच खेल हुनेछ भने नेपालका केही खेलाडी परिवर्तन हुने सम्भावना समेत रहेको छ ।

प्रकाशित मिति: शनिबार, फागुन १९, २०८० ०९:२५

प्रतिक्रिया दिनुहोस्