टस हारेर नेपालले नेदरल्यान्ड्सविरुद्ध बलिङ गर्दै

खेलकुद

गृहपृष्ठ
खेलकुद
टस हारेर नेपालले नेदरल्यान्ड्सविरुद्ध बलिङ गर्दै

टस हारेर नेपालले नेदरल्यान्ड्सविरुद्ध बलिङ गर्दै

शनिबार, फागुन १९, २०८० बागेश्वरी पोस्ट

काठमाडौँ । काठमाडौंमा जारी त्रिकोणात्मक टी-२० क्रिकेट सिरिज अन्तर्गत लिग चरणको नेपालले आज आफ्नो अन्तिम खेल नेदरल्याण्ड्ससंग खेल्दैछ ।

कीर्तिपुरस्थित त्रिवि मैदानमा भइरहेको खेलमा नेदरल्यान्ड्ले टस जितेर पहिलो ब्याटिङ गर्दैछ भने नेपालले बलिङ गर्दैछ ।

नेपाललाई फाइनलमा पुग्न यो खेलमा फराकिलो जितको आवश्यक छ । नेपालको रन रेट त्यति राम्रो नभएको अवस्थामा नेपालले फाइनल प्रवेशको सम्भावना कायम राख्न फराकिलो जित आवश्यक परेको हो ।

श्रृंखलामा यसअघिका दुवै खेल जितेर नेदरल्याण्ड्स ४ अंकसहित शीर्ष स्थानमा छ । नेपाल ३ खेलबाट २ अंकसहित दोस्रो स्थानमा छ । नामिबिया ३ खेलबाट २ अंकसहित तेस्रो स्थानमा छ । नेदरल्याण्ड्सको रन रेट १.५२५ रहेको छ । नेपालको रन रेट माइनस ०.३१७ तथा नामिबियाको माइनस ०.७०० रहेको छ ।

यो अवस्थामा नेपालले फराकिलो जित हासिल गर्दा लिग चरणको अन्तिम खेलमा नेदरल्याण्ड्स र नामिबिया भिड्नु पूर्व नै नेपालले फाइनलमा स्थान सुरक्षित गर्नेछ । तर यदि नेपाल पराजित भएका खण्डमा वा झिनो जितले भने आइतबार हुने नेदरल्याण्ड्स र नामिबियाबीचको खेलको नतिजा कुर्नुपर्ने हुन्छ ।

आज नेपालका ओपनर कुशल भुर्तेल पहिलो ११ मा परेका छन् भने अनिल शाह बाहिरिएका छन् ।

प्रकाशित मिति: शनिबार, फागुन १९, २०८० ११:२२