नेदरल्यान्डसले जित्यो टी–२० सिरिजको उपाधि, नेपाल ४ विकेटले पराजित

खेलकुद

गृहपृष्ठ
खेलकुद
नेदरल्यान्डसले जित्यो टी–२० सिरिजको उपाधि, नेपाल ४ विकेटले पराजित

नेदरल्यान्डसले जित्यो टी–२० सिरिजको उपाधि, नेपाल ४ विकेटले पराजित

मंगलबार, फागुन २२, २०८० बागेश्वरी पोस्ट

काठमाडौँ । काठमाडौंमा आयोजना भएको त्रिकोणात्मक टी–२० आई क्रिकेट सिरिजको उपाधि नेदरल्यान्ड्सले जितेको छ । आज भएको फाइनल खेलमा नेदरल्यान्ड्सले नेपाललाई ४ विकेटले पराजित गर्दै उपाधि जितेको हो ।

टीयु क्रिकेट मैदानमा टस जितेर पहिलो ब्याटिङ गरेको नेपालले नेदरल्यान्ड्सविरुद्ध ८ विकेट गुमाउँदै १८४ रन बनाएको हो । जवाफी ब्याटिङमा उत्रिएको नेदरल्यान्ड्सले १९.३ ओभरमा ६ विकेट गुमाउँदै १८९ रन बनायो ।

नेदरल्यान्ड्सका लागि माइकेल लेभिट सर्वाधिक ५४ रन बनाए । नेपालका कुशल मल्लले सर्वाधिक ४ तथा दीपेन्द्र सिंह ऐरी र अभिनाश बोहराले १-१ विकेट लिए ।

पहिलो इनिङमा नेपालका लागि आसिफ शेकले सर्वाधिक ४७ रन बनाए । त्यस्तै बलिङतर्फ नेदरल्यान्ड्सका फ्रेड क्लासेनले २, टिम भानदर गगटेनले २, माइकेल लेभिटले २ र साइबान्ड एङ्गेलब्रेटले पनि २ विकेट लिए ।

नेपालले यस सिरिजमा नामिबिया र नेदरल्यान्ड्सलाई पराजित गरेर ४ अंकका साथ फाइनलमा पुगेको थियो भने नेदरल्यान्ड्स २ जित र एक बराबरी खेल्दै ५ अंकका साथ फाइनल पुगेको थियो ।

प्रकाशित मिति: मंगलबार, फागुन २२, २०८० १५:१०

प्रतिक्रिया दिनुहोस्