एसएमएस फ्रेन्डसिप कप: नेपालले आज भारतको गुजरातविरुद्ध फाइनल खेल्दै

खेलकुद

गृहपृष्ठ
खेलकुद
एसएमएस फ्रेन्डसिप कप: नेपालले आज भारतको गुजरातविरुद्ध फाइनल खेल्दै

एसएमएस फ्रेन्डसिप कप: नेपालले आज भारतको गुजरातविरुद्ध फाइनल खेल्दै

आइतबार, चैत २५, २०८० बागेश्वरी पोस्ट

नेपालगन्ज । भारतमा जारी एसएमएस फ्रेन्डसिप कप २०२४ टी–२० क्रिकेट प्रतियोगिताको फाइनल आज नेपाल र गुजरातबीच हुँदैछ ।

आज दिउँसो सवा १ बजे सुरु हुने फाइनलमा नेपाल बलियो टोली हो । यस अघिका दुई खेलमा नेपालले गुजरातलाई ८ विकेट र ८ रनले पराजित गरिसकेको छ । त्यस्तै नेपालले अर्को क्लब बरोडालाई पहिलो खेलमा २७ रनले पराजित गरेको थियो। समूह चरणको अन्तिम खेलमा भने नेपाल बरोडासँग ३७ रनले पराजित भएको हो ।

आज नेपाली टोलीमा कप्तान रोहित पौडेल, कुशल भुर्तेल, आशिफ शेख, कुशल मल्ल, सन्दीप जोरा, दीपेन्द्रसिंह ऐरी, सोमपाल कामी, अभिनास बोहरा, करण केसी, अनिल साह र गुल्सन झा छन् ।

आगामी टी-२० विश्वकपको तयारी स्वरुप नेपालले भारतीय क्लबविरुद्ध अभ्यास खेल खेलेको हो ।

प्रकाशित मिति: आइतबार, चैत २५, २०८० ०९:३६