हिमालयन, बागमति र जिप्रका क्वाटरफाइनलमा प्रवेश

खेलकुद

गृहपृष्ठ
खेलकुद
हिमालयन, बागमति र जिप्रका क्वाटरफाइनलमा प्रवेश

हिमालयन, बागमति र जिप्रका क्वाटरफाइनलमा प्रवेश

आइतबार, चैत २५, २०८० बागेश्वरी पोस्ट

नेपालगञ्ज । आयोजक हिमालयन सामुदायिक क्लब ‘बी’, बागमति युवा क्लब र जिप्रका बाँके दोस्रो डम्बर रानाभाट स्मृति फुटबल प्रतियोगिताको क्वाटरफाइनलमा प्रवेश गरेका छन् । बाँकेको खजुरा गाउँपालिका धौलागिरीमा आज भएको पहिलो खेलमा आयोजक हिमालयन सामुदायिक क्लबले एक्टिभ युवा क्लबलाई ५–० ले पराजित गरेको थियो । आयोजक टिमका लागि दिपेश घर्ती र मनोज मगरले २–२ गोल तथा प्रतिक सुनारले १ गोल गरे ।

दोस्रो खेलमा बागमति युवा क्लबले मानवी एफसीलाई १–० ले हरायो । बागमतिको लागि सचिन राना मगरले निर्णायक गरेका थिए । यसैगरी आजै भएको तेस्रो खेलमा जिप्रका बाँकेले बद्रर एफसीलाई २–१ ले पराजित गरेको छ । जिप्रका बाँकेको लागि सुदिप शाही र अनिल थारुले १–१ गोल गरे भने ब्रदर एफसीको लागि सुनिल खड्काले गोल गरेको आयोजक हिमालयन सामुदायिक क्लबका अध्यक्ष किरण थापाले बताए ।

जनयुद्धका सहिद भएका डम्बर रानाभाटको स्मृतिमा स्थानीय युवाहरुले प्रतियोगिताको आयोजना गरेका छन् । शनिबारदेखि सुरु भएको प्रतियोगिता चैतको ३० गते सम्म चल्नेछ । प्रतियोगितामा बाँके जिल्लाभित्रका १४ टोलीको सहभागिता रहेको छ । प्रतियोगितामा प्रथम हुने टिमले ५५ हजार ५ सय ५५ रुपैयाँ, मेडल र प्रमाण पत्र तथा दोस्रो हुनेलाई ३० हजार ५ सय ५५ रुपैयाँ, मेडल र प्रमाणपत्र पाउनेछन् ।

प्रकाशित मिति: आइतबार, चैत २५, २०८० २०:४१

प्रतिक्रिया दिनुहोस्