एसिसी प्रिमियर कपमा नेपालको विजयी सुरुवात, मलेसिया ५ विकेटले पराजित

खेलकुद

गृहपृष्ठ
खेलकुद
एसिसी प्रिमियर कपमा नेपालको विजयी सुरुवात, मलेसिया ५ विकेटले पराजित

एसिसी प्रिमियर कपमा नेपालको विजयी सुरुवात, मलेसिया ५ विकेटले पराजित

शुक्रबार, चैत ३०, २०८० बागेश्वरी पोस्ट

काठमाडौं । एसिसी प्रिमियर कप क्रिकेटमा नेपालले मलेसियालाई ५ विकेटले पराजित गर्दै विजयी सुरुवात गरेको छ । नेपालले आफ्नो पहिलो खेलमा टस जितेर पहिलो ब्याटिङ गरेको मलेसियाले दिएको १४४ रनको लक्ष्यलाई ४ बल बाँकि छँदै भेटाएको हो । नेपालले १९.२ ओभरमा ५ विकेट गुमाएर १४४ रन बनाउँदै मलेसियालाई पराजित गरेको हो ।

जितमा नेपालका आशिफ शेखले ३२, रोहित पौडेलले २८, कुशल भुर्तेलले २४, दीपेन्द्रसिंह ऐरी २० तथा गुल्शन झा १९, सन्दीप जोराले १२ रन र कुशल मल्लले ७ रन बनाए ।

मलेसियाका लागि विरनदीप सिंहले सर्वाधिक ३ विकेट लिए । त्यस्तै बिरनदीप सिंहले सर्वाधिक ५६ रन बनाएका थिए । मलेसियाविरुद्ध नेपालका दीपेन्द्र सिंहले ३ विकेट लिएका थिए ।

नेपाल रहेको समूह ए मा कतार, साउदी अरेबिया, हङकङ र मलेसिया छन् । त्यस्तै समूह बी मा ओमान, यूएई, कम्बोडिया र बहराइन छन् ।

नेपालले अर्को खेल वैशाख १ कतार, वैशाख ३ गते हङकङ र अम्तिम खेल वैशाख ५ गते साउदी अरेबियासँग खेल्नेछ । दुबै समूहबाट शिर्ष दुई टोली सेमिफाइनलमा प्रवेश गर्नेछन् भने फाइनल विजेता राष्ट्र आगामी एसिया कपमा सिधै छनौट हुनेछ ।

नेपाली टोलीमा रोहित पौडेल (कप्तान) कुशल भुर्तेल, आशिफ शेष, कुशल मल्ल, दीपेन्द्रसिंह ऐरी, विवेक यादव, अनिल साह, सन्दीप जोरा, गुल्शन झा, करण केसी, सोमपाल कामी, ललित राजवंशी, अभिनाश बोहरा र प्रतिश जिसी रहेका छन् ।

प्रकाशित मिति: शुक्रबार, चैत ३०, २०८० २०:३२

प्रतिक्रिया दिनुहोस्