प्रभावकारी बनाइँदै कन्या विद्यालयको विद्यार्थी भर्ना अभियान

शिक्षा

गृहपृष्ठ
शिक्षा
प्रभावकारी बनाइँदै कन्या विद्यालयको विद्यार्थी भर्ना अभियान

प्रभावकारी बनाइँदै कन्या विद्यालयको विद्यार्थी भर्ना अभियान

बुधबार, वैशाख ५, २०८१ बागेश्वरी पोस्ट

रबिन्द्र घिमिरे (जानकी) । बाँकेको जानकी गाउँपालिका वडा नम्वर ३ मानपुरस्थित श्री कन्या आधारभूत विद्यालयले शैक्षिक सत्र २०८१ को विद्यार्थी भर्ना अभियानलाई प्रभावकारी बनाउन सुरु गरेको छ । विद्यार्थी तथा अभिभावकको सरकारी विद्यालयमा आकर्षण घट्दै गएपछि विद्यार्थीको संख्या न्यून बन्दै गएको छ । तर, जानकी गाउँपालिका वडा नम्वर ३ मानपुरस्थित श्री कन्या आधारभूत विद्यालयले शैक्षिक सत्र २०८१ को विद्यार्थी भर्ना अभियानलाई प्रभावकारी बनाउन घरदैलो लगायत विभिन्न कार्यक्रम सुरु गरेको हो ।

विद्यालयले शैक्षिक सुधारदेखि अभिभावकको मन जित्न सबै बालबालिकाको विद्यालयमा सहभागिता, गुणस्तरीय शिक्षा प्राप्तिको सुनिश्चितता भन्ने मूल नाराका साथ बैशाख २ गतेदेखि घरदैलो सुरु गरेको हो । विद्यालयले विद्यार्थी अभिभावक भेला गरी सुझाब संकलन समेत थालेको छ । अभियानमा विद्यालयका शिक्षकसहित गाउँपालिका अध्यक्ष छब्बन खाँ, उपाध्यक्ष रामप्यारी यादव, वडा नम्वर ५ का वडा अध्यक्ष टिकानाथ यादव, वडा नम्वर ६ का वडा अध्यक्ष जगदिश प्रसाद हरिजन, सामाजिक विकास समितिका संयोजक राम आचल धोवी, कार्यपालिका सदस्य कान्ती काँदु लगायत सहभागी भएका छन् ।

सबैसँग सरसल्लाह गरी घरदैलो कार्यक्रम एकदमै चुस्तदुरुस्त तरिकाले अगाडी वढाइएको विद्यालयकी प्रधानाध्यापक मालती शाही बताउँछिन् । साथै छात्राहरुको लागि मात्र बाल विकासदेखि कक्षा ७ सम्मको भर्ना अभियान सुरु गरेको शाहीको भनाई छ । पढ्नको लागि कन्या आधारभूत विद्यालयमा सबै सेवा सुविधा राम्रो हुनुका साथै छात्राहरुको लागि सुरक्षित पनि रहेको कक्षा ७ मा पढ्दै गरेकी छात्रा जयन्ती धोवी बताउँछिन् ।

मधेशी र मुस्लिम समुदायमा विशेष गरी शिक्षामा छोरीहरु पछाडि परेको भन्दै छोरीहरुलाई मात्र शिक्षा प्रदान गर्नका लागि र विद्यालयमा छात्राहरुको आकर्षण बढाउन कन्या विद्यालय सञ्चालन गरेको गाउँपालिका अध्यक्ष छब्बन खाँले बताए । साथै छात्राहरुको लागि घरबाट ल्याउन लैजाल गाउँपालिकाको वजेटबाट नै बसको सुविधा पनि दिएको उनको भनाई छ ।

विद्यालयले पछिल्लो समय शैक्षिक सुधारका लागि सक्रियता देखाएको विद्यार्थीको बुझाई छ । विद्यालयले शिक्षामा सुधारका साथै विद्यार्थीको सुरक्षाको लागि विभिन्न सुविधा समेत बढाउँदै लगेको छ ।

प्रकाशित मिति: बुधबार, वैशाख ५, २०८१ २१:०७