एसिसी प्रिमियर कपको सेमिफाइनलमा नेपाल र यूएई भिड्दै

खेलकुद

गृहपृष्ठ
खेलकुद
एसिसी प्रिमियर कपको सेमिफाइनलमा नेपाल र यूएई भिड्दै

एसिसी प्रिमियर कपको सेमिफाइनलमा नेपाल र यूएई भिड्दै

शुक्रबार, वैशाख ७, २०८१ बागेश्वरी पोस्ट

काठमाडौं । ओमानमा जारी एसिसी प्रिमियर कप २०२४ को सेमिफाइनलमा नेपाल र यूएईबीच भिडन्त हुँदैछ । आज समूह ए को विजेता नेपाल र समूह बी उपविजेता यूएईबीच पहिलो र ए कै उपविजेता हङकङ र बी को विजेता ओमानबीच दोस्रो सेमिफाइनलमा हुँदैछ ।

नेपाल र यूएईको सेमिफाइनल खेल नेपाली समय अनुसार पौने १२ बजे सुरु हुनेछ ।

गत वर्षको एसिसी प्रिमियर कपमा घरेलु मैदानमा नेपालले यूएईलाई हराउँदै एसिया कपमा छनौट भएको थियो ।

जारी प्रिमियर कपमा नेपाल ४ खेलमा अपराजित टोली हो भने यूएई ४ खेल मध्ये ३ खेल जित्दै सेमिफाइनलमा पुगेको हो । नेपालले समूह चरणको खेलमा मलेसियालाई ५ विकेट , कतारलाई ३२ रन, हङकङलाई ८ तथा साउदी अरेबियालाई ६ विकेटले पराजित गरेको थियो ।

सेमिफाइनलका दुई विजेता टोली फाइनलको यात्रा गर्नेछन् । फाइनल विजेता राष्ट्र आगामी एसिया कपमा सिधै छनौट हुनेछ ।

नेपाली टोलीमा रोहित पौडेल (कप्तान), कुशल भुर्तेल, आशिफ शेक, कुशल मल्ल, दीपेन्द्रसिंह ऐरी, विवेक यादव, अनिल साह, सन्दीप जोरा, गुल्शन झा, करण केसी, सोमपाल कामी, ललित राजवंशी, अभिनाश बोहरा र प्रतिश जिसी रहेका छन् ।

प्रकाशित मिति: शुक्रबार, वैशाख ७, २०८१ ०७:०६

प्रतिक्रिया दिनुहोस्