नेपाल फाइनल पुग्न असफल, यूएईसँग ६ विकेटले पराजित

खेलकुद

गृहपृष्ठ
खेलकुद
नेपाल फाइनल पुग्न असफल, यूएईसँग ६ विकेटले पराजित

नेपाल फाइनल पुग्न असफल, यूएईसँग ६ विकेटले पराजित

शुक्रबार, वैशाख ७, २०८१ बागेश्वरी पोस्ट

काठमाडौं । ओमानमा जारी एसिसी प्रिमियर कप २०२४ को सेमिफाइनलमा नेपाल यूएईसँग पराजित भएको छ । यूएईले नेपाललाई ६ विकेटले पराजित गर्दै फाइनलमा प्रवेश गरेको छ । यो हारसंगै नेपालको फाइनल खेल्ने सपना अधुरो बनेको छ ।

टस हारेर ब्याटिङ गरेको नेपालले २० ओभरमा ९ विकेट गुमाउँदै ११९ रन बनाएको हो । यूएईले गरेको जवाफी ब्याटिङमा ४ विकेट गुमाएर १७.२ ओभरमा १२३ रन बनायो ।

यूएईका लागि अलिसान सराफुले सर्वाधिक ५५ रन बनाए । नेपालका लागि गुल्शन झाले २ तथा सोमपाल कामी र ललित राजवंशीले १-१ विकेट लिए । त्यस्तै करण केसीले १७ रन बनाएका हुन् ।

नेपालले गरेको ब्याटिङ सन्दीप जोराले सर्वाधिक ५० रन बनाए भने गुल्शन झाले २० रन जोडेका थिए ।यूएईका जुनेद सिद्दिकीले २, अलि नासिरले २, बसिलले २ र ओमिद शफी रहमान, आयन अफ्जल खान र मोहमद फारुकले १-१ विकेट लिएका हुन् ।

जारी प्रिमियर कपमा नेपाल ४ खेलमा अपराजित टोली रहँदै सेमिफाइनलमा प्रवेश गरेको थियो भने यूएई ४ खेल मध्ये ३ खेल जित्दै सेमिफाइनलमा पुगेको हो । नेपालले समूह चरणको खेलमा मलेसियालाई ५ विकेट, कतारलाई ३२ रन, हङकङलाई ८ तथा साउदी अरेबियालाई ६ विकेटले पराजित गरेको थियो ।

गत वर्षको एसिसी प्रिमियर कपमा घरेलु मैदानमा नेपालले यूएईलाई हराउँदै एसिया कपमा छनौट भएको थियो । फाइनल विजेता राष्ट्र आगामी एसिया कपमा सिधै छनौट हुनेछ ।

प्रकाशित मिति: शुक्रबार, वैशाख ७, २०८१ १५:१९

प्रतिक्रिया दिनुहोस्