एसीसी इमर्जिङ टिम्स एसिया कप खेल्न नेपालले हङकङलाई पराजित गर्नै पर्ने

खेलकुद

गृहपृष्ठ
खेलकुद
एसीसी इमर्जिङ टिम्स एसिया कप खेल्न नेपालले हङकङलाई पराजित गर्नै पर्ने

एसीसी इमर्जिङ टिम्स एसिया कप खेल्न नेपालले हङकङलाई पराजित गर्नै पर्ने

शनिबार, वैशाख ८, २०८१ बागेश्वरी पोस्ट

काठमाडौं । नेपाल एसीसी इमर्जिङ टिम्स एसिया कपमा छनौट हुनका लागि आज हङकङसँग खेल्दैछ ।

ओमानमा जारी एसीसी प्रिमियर कप २०२४ मा सेमिफाइनलमा यूएईसँग पराजित हुँदै नेपाल फाइनल पुग्न असफल बनेको हो ।

दोस्रो सेमिफाइनलमा आयोजक ओमानसँग पराजित भएको हङकङ र नेपालले तेस्रो स्थानका लागि आज अपराह्न सवा ४ बजे खेल्दैछन् । तेस्रो स्थान जित्ने टोली एसिसी इमर्जिङ टिम्स एसिया कपमा छनौट हुनेछ ।

एसिया कप खेल्नबाट चुकिसकेको नेपालले समूह चरणमा हराएको हङकङलाई पराजित गर्दै एसीसी इमर्जिङ टिम्स एसिया कपमा छनौट हुने दाउमा छ । आजको खेलमा नेपाल हङकङविरुद्ध हाबी हुने आँकलन गरिएको छ ।

आगामी एसीसी इमर्जिङ टिम्स एसिया कपमा भारतसँगै पाकिस्तान, श्रीलंका, बंगलादेश र अफगानिस्तानको ए टोली खेल्नेछन् । प्रिमियर कपको फाइनलमा पुगेका ओमान र यूएई एसिसी इमर्जिङ टिम्स एसिया कपमा छनौट भइसकेका छन् ।

प्रकाशित मिति: शनिबार, वैशाख ८, २०८१ ०८:४७