नेपालको इमर्जिङ कप खेल्ने चाहना अधुरै, बाधक बन्यो हङकङ

खेलकुद

गृहपृष्ठ
खेलकुद
नेपालको इमर्जिङ कप खेल्ने चाहना अधुरै, बाधक बन्यो हङकङ

नेपालको इमर्जिङ कप खेल्ने चाहना अधुरै, बाधक बन्यो हङकङ

नेपाल ४ विकेटले पराजित

शनिबार, वैशाख ८, २०८१ बागेश्वरी पोस्ट

काठमाडौं । नेपालको एसीसी इमर्जिङ टिम्स एसिया कप खेल्नबाट बन्चित भएको छ । आज एसीसी प्रिमियर कपको तेस्रो स्थानमा लागि भएको खेलमा नेपाल हङकङसँग पराजित भएको छ । तेस्रो स्थान जितसँगै हङकङ एसीसी इमर्जिङ टिम्स एसिया कपमा छनौट भएको छ ।

टस हारेर पहिलो ब्याटिङ गरेको नेपालले २० ओभरमा ८ विकेट गुमाउँदै १३९ रन बनाएको थियो । १४० रनको लक्ष्य पाएर जवाफी ब्याटिङमा उत्रिएको हङकङले १९.३ ओभरमा ६ विकेट गुमाउँदै १४० रन बनाउँदै नेपाललाई पराजित गरेको हो ।

हङकङका लागि अशं राठले सर्वाधिक ६५ रन बनाए । नेपालका सोमपाल कामीले ३ तथा अबिनाश बोहराले २ विकेट लिए ।

त्यस्तै नेपालका लागि दीपेन्द्रसिंह ऐरीले सर्वाधिक ४४ रन बनाए भने सन्दीप जोराले २२ र रोहित पौडेलले २१ रन बनाए । नेपालविरुद्ध आयुश शुक्लाले सर्वाधिक ३ विकेट लिएका थिए । नेपालको यो लगातार दोस्रो हार हो । यसअघि सेमिफाइनलमा नेपाल यूएईसँग पराजित भएको थियो ।

एसिया कप खेल्नबाट चुकिसकेको नेपालले समूह चरणमा हराएको हङकङलाई पराजित गर्दै एसीसी इमर्जिङ टिम्स एसिया कपमा छनौट हुने दाउमा छ । आजको खेलमा नेपाल हङकङविरुद्ध हाबी हुने आंकलन गरिएको छ ।

आगामी एसिसी इमर्जिङ टिम्स एसिया कपमा भारतसँगै पाकिस्तान, श्रीलंका, बंगलादेश र अफगानिस्तानको ए टोली खेल्नेछन् । प्रिमियर कपको फाइनलमा पुगेका ओमान र यूएई एसिसी इमर्जिङ टिम्स एसिया कपमा छनौट भइसकेका छन् ।

प्रकाशित मिति: शनिबार, वैशाख ८, २०८१ २०:१०

प्रतिक्रिया दिनुहोस्