मंगल प्रसाद महिला कलेजले गर्यो वार्षिक समारोह

शिक्षा

गृहपृष्ठ
शिक्षा
मंगल प्रसाद महिला कलेजले गर्यो वार्षिक समारोह

मंगल प्रसाद महिला कलेजले गर्यो वार्षिक समारोह

टेक-सुवर्ण स्मृति छात्रवृत्ति अक्षयकोष स्थापना

शुक्रबार, वैशाख १४, २०८१ बागेश्वरी पोस्ट

नेपालगन्ज । मंगल प्रसाद महिला कलेजले वार्षिक समारोह गरेको छ । नेपालगन्ज उपमहानगरपालिकाद्वारा संचालित तथा पूर्वान्चल विश्वविद्यालयबाट सम्बन्धन प्राप्त महिला कलेजले नेपालगन्जमा आज वार्षिक समारोह गरेको हो । नगर प्रमुख प्रशान्त विष्टको प्रमुख आतिथ्यतामा सम्पन्न वार्षिक समारोहमा विद्यार्थीहरुले विभिन्न प्रस्तुतिहरु देखाएका थिए । समारोहमा नृत्य, गायन, नाटक लगायतका प्रस्तुति देखाइएको थियो ।

वार्षिक समारोहमै आज टेक-सुवर्ण स्मृति छात्रवृत्ति अक्षयकोषको पनि घोषणा गरिएको छ । कलेज प्रमुख रविन्द्र कर्णका अनुसार नेपालगन्ज उपमहानगरपालिका वडा नम्बर १० निवासी कुलराज राज राजभण्डारीले आफ्नो बुवा स्वर्गीय टेक बहादुर राजभण्डारी र आमा सुवर्ण कुमारी राजभण्डारीको स्मृतिमा पाँच लाख कोषको छात्रवृत्ति स्थापना गरेका हुन् । हरेक वर्ष दुई जना छात्रालाई रु. ५५ पर्ने गरी छात्रवृत्ति प्रदान गरिनेछ । यो छात्रवृत्ति यस वर्ष विसिए प्रथम सेमेस्टरकी छात्रा स्नेहा नेपाली (रु. ४५०००) र विविएस प्रथम वर्षकी छात्रा ममता गिरी (रु. १००००) लाई प्रदान गरिएको कलेज प्रमुख कर्णले जानकारी दिए । छात्रवृत्ति घोषणा कार्यक्रममा नगर प्रमुख विष्ट, कलेज व्यवस्थापन समिति अध्यक्ष विजय गुप्ता, कलेज प्रमुख कर्ण, छात्रवृत्ति स्थापना गर्ने कुलराज राज राजभण्डारी र उनका छोरा निरन्जन राज राजभण्डारी समेत उपस्थित थिए ।

समारोहमा बोल्दै नगर प्रमुख विष्टले छात्राहरुको उच्च शिक्षा अध्ययनमा मंगल प्रसाद महिला कलेजले महत्वपूर्ण भूमिका खेलिरहेको भन्दै गुणस्तरीय शिक्षाका लागि प्रतिबद्ध भएर लाग्न आग्रह गरे । व्यवस्थापन समिति अध्यक्ष गुप्ताले गरिब, विपन्न र जेहेन्दार छात्रालाई पठनपाठनमा सहज हुने गरी व्यवस्थापन मिलाउने प्रयास गरिरहेको बताए । समारोहमा वडा नम्बर ४ का वडा अध्यक्ष गोपाल पुन, कार्यपालिका सदस्य संगिता रेग्मी, कलेज व्यवस्थापन समिति सदस्य मैमुना सिद्दिकी लगायतले बोलेका थिए । त्यस अवसरमा वडा नम्बर ९ का अध्यक्ष गोविन्द रेग्मी, वडा नम्बर ६ का वडा अध्यक्ष समिर प्रताप सिंह, १४ का वडा अध्यक्ष मजहर अली साई, कार्यपालिका सदस्यहरु वसन्त कनोजिया र मुजम्मील हुसैनको उपस्थिति थियो ।

त्यसै समारोहमा विएड द्वितीय र विविएस द्वितीय वर्षका छात्राले प्रथम वर्षका छात्रालाई स्वागत पनि गरेका छन् । मंगल प्रसाद महिला कलेजमा विएड, विविएस र विसिए पढाई हुन्छ । अहिले विसिए प्रथम सेमेस्टरमा पनि पढाई सुरु भएको छ ।

प्रकाशित मिति: शुक्रबार, वैशाख १४, २०८१ १३:५१

प्रतिक्रिया दिनुहोस्