वेष्ट इन्डिजले नेपाललाई ७६ रनले हरायो

खेलकुद

गृहपृष्ठ
खेलकुद
वेष्ट इन्डिजले नेपाललाई ७६ रनले हरायो

वेष्ट इन्डिजले नेपाललाई ७६ रनले हरायो

बुधबार, वैशाख १९, २०८१ बागेश्वरी पोस्ट

काठमाडौं । काठमाडौंमा जारी नेपाल र वेष्ट इन्डिज ए बीचको ५ टी-२० सिरिजको तेस्रो खेलमा वेष्ट इन्डिज ए ले नेपाललाई ७६ रनले पराजित गरेको छ ।

आज त्रिवी मैदानमा भएको खेलमा टस जितेर पहिला ब्याटिङ गरेको वेष्ट इन्डिजले दिएको २२८ रनको लक्ष्य पछ्याउँदै जवाफी ब्याटिङमा उत्रिएको नेपाल ७६ रनले पराजित भएको हो । नेपालले १९.२ ओभरमा सबै विकेट गुमाउँदै १५१ रन मात्र बनायो ।

नेपालका लागि लोकेश बमले २८, करण केसीले २८, कुशल मल्लले २०, बिनोद भण्डारीले २० तथा अनिल शाहले १९ रन बनाए । वेष्ट इन्डिज ए का गुडाकेश मोटीले सर्वाधिक २ विकेट लिए ।

त्यस्तै वेष्ट इन्डिज ए का लागि जोनसन चार्ल्सले शतक बढी हानेका छन् । उनले सर्वाधिक ११९ रन बनाए । त्यस्तै एलिक एथानाजेले १७ रन बनाएर आउट भए । आन्द्रे फ्लेचरले ५३ रन बनाए । नेपालका लागि सागर ढकाल र करण केसीले १- १ विकेट लिए ।

नेपाल सिरिजको पहिलो खेलमा ४ विकेटले विजयी भएको नेपाल आजको दोस्रो खेलमा वेष्ट इन्डिजसँग पराजित भएको हो । टेष्ट राष्ट्र एवं दुई पटकको विश्वकप विजेता वेष्ट इन्डिज ए ले टस जितेर पहिला ब्याटिङ गर्दै दिएको १६१ रनको लक्ष्यलाई नेपालले ९ विकेटको क्षतिमा २० ओभर खेल्दै १५० रन बनाएको थियो ।

सार्वजनिक खेल तालिका अनुसार नेपाल र वेस्ट इण्डिज ए बीचको चौथो खेल मे २ मा र पाँचौ मे ४ मा हुनेछ ।

प्रकाशित मिति: बुधबार, वैशाख १९, २०८१ १६:१५